သြ၀ါဒထူးပျို့ ဆုံးမစာ

မှတ်နားစိပ်လော့၊ မအိပ်ရာချေ၊ မနေရာအပ်၊ မရပ်ရာငြား၊ မသွားရာမှတ်၊ မဝတ်ရာကျင်၊ မဆင်ရာများ၊ မစားရာမြောက်၊ မသောက်ရာမှု၊ အစုစုကို၊ ယခုရှေ့ဖျား၊ ပြန်လျှောက်ကြားပိမ့်။

                                                            ( မအိပ်ရာချေ )

သုံးပါးရတနာ၊ ဆရာသမား၊ ဘိုးဘွားမိဘ၊ စိုးရသခင်၊ ဂုဏ်အင်ကြီးထူ၊ ကိုယ်တူရင်းရှည့်၊ဖြစ်သည့်သူအား၊

ခြေရင်းထား၍၊ ပေါ့စားလွယ်ကာ၊ မအိပ်ပါနှင့်၊ ဆည်းဆာနေဝင်၊ ဆဲဆဲတွင်၌၊ အိပ်ချင်သော်လည်း၊ စိတ်ကိုတည်း၍၊ နည်းစေအိပ်မှောင်၊ နေထွက်အောင်လျှင်၊ ရှောင်လေလျဥ့်လျဥ့်၊ တစ်ညဥ့်သုံးခါ၊နိုးကြားရာ၏၊

လက်ယာလက်ဝဲ၊ အိပ်နေမြဲလော့၊ ကွဲလွဲငုံ့တုံ၊ မှောက်ခုံပက်လက်၊ မအိပ်စက်နှင့်၊ ကိုယ့်ထက်မူယူ၊

မြတ်သည့်သူကို၊ အတူနွှဲယှက်၊ အိပ်ဖက်မပေါင်း၊ တောင်စောင်းအနောက်၊မြောက်သို့တူရှူ၊ ခေါင်းမမူရာ၊

ရှေ့မျက်နှာနှင့်၊ တောင်ညာစင်းစင်း၊ ခြေရင်းမပြု၊ ခုလုထစ်ခွင့်၊ နိမ့်မြင့်စောင်းထောင်၊ မာခေါင်ကျောလွန်း၊

ကြမ်းစွန်းဖျားနား၊ မိုးတားရံကာ၊ လွတ်ရာမှာလည်း၊ ရှောင်ပါအိပ်ခင်း၊ လွတ်ရှင်းရှင်း။....

                                                             ( မနေရာအပ် )

အသက်အရွယ်၊ အနွယ်အမျိုး၊ အရိုးအရာ၊ ကိုယ့်ထက်သာသား၊ ဂုဏ်ဝါစံမြောက်၊ သူတို့မှောက်ဝယ်၊

ရှေ့နောက်စူးစူး၊ မြင့်ဖြူးလေညာ၊ နီးစွာဝေးလွန်း၊ မစွန်းခြောက်ပြစ်၊ ချပုဆစ်နှင့်၊ ကျစ်လစ်လှစေ၊ တင်ပျဉ်ခွေ၍၊လက်ခြေကားယား၊နံပါးရှည်နွဲ့၊စောင်းလှည့်နောက်ဖီ၊အုံးမှီလက်ထောက်၊
မတ်စောက်ဆောင့်ကြောင်၊ဒူးထောင်လက်ဖွဲ့၊ မထီမဲ့လျှင်၊ မနွဲ့မကိုင်း၊ ခိုင်းတိုင်းကျားတား၊
မပြားမဝပ်၊မနေအပ်ရှင့်။......

                                                              ( မရပ်ရာငြား )

မရပ်သင့်ရာ၊ ရှောင်ခွင့်မှာမူ၊ လောကာဓိပ္ပ၊ ပြည်မသခင်၊ ရှင်မိဖုရား၊ သားတော်သမီး၊ ဝန်ကြီးဝန်ငယ်၊ မင်းနွယ်စိုးဆွေ၊ ယှဉ်နေနီးစပ်၊ ဆက်ကပ်ပွဲလမ်း၊ မင်းခမ်းဆောင်ရွက်၊ စားခွက်စားယောက်၊ အပါးရောက်က၊

မလျှောက်မပတ်၊ မတ်လတ်ရိုင်းစိုင်း၊ မကိုင်းမပျပ်၊ မတွားဝပ်ပဲ၊ မရပ်သင့်ချေ၊ ရပ်မိလေက၊ မင်းဒဏ်ကျ၏၊ 

မိဘဆရာ၊ ပညာဂုဏ်ဖြီး၊ သက်ကြီးရွယ်လွန်၊ ကျင့်မွန်မဖောက်၊ ရဟန်းမှောက်ဝယ်၊ ချစ်ကြောက်ကြည်ညို၊

အရိုအသေ၊ အချေအငံ၊ ညွတ်ကျိုးနွံမှ၊ အာသံမှတ်ကြိုး၊ ဆုပြည့်ဖြိုးအံ့၊ မိုးတိုးမားတား၊ မပြားမပျပ်၊ မဝပ်မကိုင်း၊ ခိုင်းတိုင်းကြမ်းတမ်း၊ အမှန်းမသိ၊ဒိဋ္ဌိမူကျင့်၊ မရပ်သင့်သည်၊ပြစ်လွင့်လွတ်ကင်း၊ကြဉ်ရှောင်ကွင်း။.

                                                              ( မသွားရာအပ် )

စိုးမင်းသခင်၊ အရှင်မိဘ၊ ရှေ့သိုကျသော်၊ ကုန်းကွတုပ်ပျပ်၊ နှိပ်ဝပ်ညွတ်ထိုင်၊ နောက်ယိုင်ရှောင်ရှား၊ 

သွားမှုလာမှု၊ ယဉ်နုလှစေ၊ အခြေကြမ်းတမ်း၊ ရှေ့မသန်းနှင့်၊ စိုးနန်းမင်းအိမ်၊ ဆိပ်ငြိမ်စက်တော်၊ 

ခေါ်သည့်အခိုက်၊ တိုက်ရိုက်သူ့နား၊ မကြားစေလို၊ ထိမ်ဝှက်သို၍၊ ပြောဆိုသည့်ခိုက်၊ ထိုက်လိုက်ချီးမြှောက်၊

စားသောက်ဖွယ်ရေး၊ တည်ကျွေးသည့်ခိုက်၊ မှားမိုက်ကျေးကျွန်၊အပြစ်ဝန်နှင့်၊ဒဏ်ရှိသူအား၊ထားသည့်ရပ်မြေ၊
ဖုတ်တစ္ဆေနှင့်၊ ကင်းမြွေထူထဲ၊ ကျားရဲသစ်ရူး၊ ဘီလူးရှိရပ်၊ ပေါ်လျှပ်ကောက်ကျစ်၊ မူညစ်သွမ်းဆိုး၊

သူခိုးဖမ်းရာ၊ ကန္တာရတော၊ မြစ်ကြောနစ်ကျယ်၊ ပင်လယ်သမုဒ်၊ သတ်ပုတ်တွန်းလှန်၊ ခိုက်ရန်တွေ့ပွဲ၊

ငြင်းခုံဆဲနှင့်၊ သောင်းသဲစည်ပင်၊ ပွဲသဘင်သို့၊ သွားချင်မှုသာ၊ မသွားရာတည့်၊ ကြမ်းမှာခြေနင်း၊

မပြင်းညံသက်၊ လွန်ဖြည်းညက်စေ၊ ညဥ့်နက်မှောင်မည်း၊ တယောက်ထည်းလည်း၊ 

တင့်ရည်းပေါ့သွပ်၊ မသွားအပ်သည်၊ ကြပ်ကြပ်ဝမ်းတွင်း၊ မှတ်သွတ်သွင်း။........

                                                             ( မဝတ်ရာကျင် )

ရှောင်ပါစေချင်၊ အ၀တ်တွင်လည်း၊ မစင်မကြယ်၊ ရွံဖွယ်စက်ဆုပ်၊ မည်းပုပ်မွဲပြာ၊ စာမချေသေး၊ 

ဖွပ်ဆေးမလျှော်၊ညှီစော်မြှေးသမ်း၊ ဟောင်းနွမ်းစုတ်ပြတ်၊ ညှိုးညစ်ပတ်က၊ မဝတ်လေရာ၊ ဥစ္စာရွှေငွေ၊

ဆန်ရေစပါး၊ ကျွဲနွားယာလယ်၊ လိုမယ်မတ၊ စိတ်တိုင်းကျလျက်၊ ကြွယ်ဝပြည့်စုံ၊ ကုံလင်းကစား၊စိုးမင်းလားသို့၊
သောက်စားသမှု၊ ဝတ်တုမမူ၊ ရှေ့ရှုနောက်ချင့်၊ ကိုယ်နှင့်အင်တန်၊ သင်အောင်ဖန်၍၊ ခန့်ရန်တော်ရာ၊

ကောင်းမြတ်ပါလည်း၊ စိတ်မှာချင်ချင်၊ မရှိလျှင်မူ၊ မဆင်ဝတ်သင့်၊ မိုးမြင့်ကဲကျူး၊ ဝတ်ထူးစားဆန်း၊

မွင့်လန်းရောင်ဝါ၊ ယဉ်ကျေးစွာကို၊ ချိန်ခါမဲ့ပဲ၊ မဝတ်လဲနှင့်၊ တွဲလွဲများလျား၊ ဖားရားမြေထိ၊ ရှေ့ငြိနောက်ကျ၊

ခြေချဖဝါး၊ နင်းသွားမသာ၊ ဝါဝါကားကား၊ ကြွားကြွားဝင့်ဝင့်၊ ဝတ်သဖြင့်လည်း၊ မတင့်တယ်ရာ၊ ဓမ္မတာလျှင်၊

လှမ်းသာကြွလွယ်၊ ညာဘယ်နောက်ရှေ့၊ ညီစေ့လျဥ့်လျဥ့်၊ မယဥ့်မတောင်း၊ ဆင်ဝတ်ကောင်းသည့်၊

ကျိုးကြောင်းပြစ်ကင်း၊ မြှော်ရှုတင်း။......

                                                            ( မဆင်ရာများ )

တန်ဆာပလာ၊ ဆင်ဖွယ်မှာလည်း၊ ရတနာရွှေငွေ၊ လွန်မြတ်စေလော့၊ အနေဆုတ်ယုတ်၊ ခါမဟုတ်က၊

ဖော်ထုတ်ပြုပြင်၊ မဆင်ယင်နှင့်၊ ဆံကျင်ဆံထိုး၊ ခါးကြိုးဥိးစောက်၊ လယ်ကောက်လက်ကြပ်၊ လက်စွပ်နားပန်၊ ပန်းမာလ်ခြေကျင်း၊ ရှောင်ကွင်းလည်မှာ၊ ဆင်တန်ဆာလည်း၊ ကာလာဒေသ၊ နေ့ညမှတ်ကြိုး၊ အမျိုးအနွယ်၊ အရွယ်အသက်၊ ချင့်တွက်ယုတ်မြတ်၊ ဆင်ယင်တတ်မှ၊ ဆင်ဝတ်သ၍၊ သူ့စိတ်တွေ့၏။.....

                                                       ( မစားရာမြောက် )

ညဥ့်နေ့မခြား၊ မစားရာမြောက်၊ စားခင်းမှာတုံ၊ ရသာထွေပြား၊ မြိန်မြတ်ငြားလည်း၊ စားမကြူးရာ၊ပူဆာစပ်ငန်၊

ချဉ်ဖန်ချိုခါး၊ထွေထွေစားလည်း၊သုံးပါးဥတု၊မြှော်ရမ်းရှုလော့၊မှီခုတစောင်း၊အိပ်လျောင်းဝပ်စင်း၊
ခြေဆင်းပေါင်ထောင်၊ ဆောင့်ကြောင်မတ်စောက်၊ တောင်မြောက်ကြည့်ကွက်၊ ရပ်လျက်သွားလျက်၊

နှစ်ဘက်ပါးနား၊ အံစောင်ဝါး၍၊ မစားလေသင့်၊ ကော်လွှင့်ဝှေ့ဟန်၊ ကျောက်ကန်ပုတ်ခတ်၊ ကိုက်ခဲတတ်သည့်၊ သတ္တဝါသား၊ မထွားမဆူ၊ သိုးအူပုပ်လှောင်၊ ညှီဟောင်သမျှ၊ မစားရသည်၊ နေ့ညမကင်း၊ ကြည်ရှောင်မင်း။..

                                                        ( မသောက်ရာမှု )

မသောက်အပ်ထွေ၊ ရှောင်ပါလေလော့၊ မေရယငါး၊ သူရာငါးနှင့်၊ ပိုးမွှားလောက်ကျိ၊ မြူတိနောက်ထင်၊ သန့်စင်မကြည်၊ ရေကိုသည်လည်း၊ ချုပ်ဆည်းအာသာ၊ မသောက်ရာတည့်၊ ဘယ်ညာလွှဲလက်၊ရေခွက်ဖလား၊
လက်ဝါးပြောင်းပြန်၊ ကိုင်ဟန်လှန်မှောက်၊ မသောက်ပြန်ရာ၊ ဟင်းမှာရေထုတ်၊ဟင်းရှုတ်ရေကို၊မမျိုလေထိုက်၊
မကျိုက်လေအပ်၊ သတိကြပ်လော့၊ ရှစ်ရပ်ဖျော်ရည်၊ ဆီကြည်ထောပတ်၊ မြိန်မွန်မြတ်လည်း၊

ကြိုက်တတ်သောအား၊ လျှာကိုတား၍၊ မများစေရ၊ သင့်ရုံမျှသာ၊ သောက်လေရာ၏၊ စာနာခန့်ချိ၊

မျက်စိအကျင့်၊ ဝမ်းအချင့်ဟု၊ ယခင့်ဝေါဟာ၊ ထင်ရှားစွာနှင့်၊ သူရာသောက်ဝယ်၊ ပြစ်ခြောက်သွယ်ကား၊

လိုမယ်မရ၊ ရှိမျှဥစ္စာ၊ ပျောက်တတ်စွာ၏၊ နှုတ်သာလက်လွန်၊ ရန်လည်းခိုက်ထိ၊ ပွါးတတ်ဘိ၏၊ မျက်စိသီဝေ၊

လက်ခြေတုန်ယင်၊ မဝင်ဝမ်းတွင်း၊ ထမင်းမစား၊ ရောဂါများ၏၊ ပြစ်သားစင်စင်၊ လူရှင်ကဲ့ရဲ့၊ သတင်းမဲ့၏၊

ရှက်ဖွဲ့အရာ၊ ကျောက်ခင်းမှာလည်း၊ အင်္ဂါကိုယ်လုံး၊ မဖုံးလွှမ်းနိုင်၊ စွဲကိုင်ကျိုးပြစ်၊ စိစစ်မမြင်၊ ဆင်ခြင်မရှိ၊

သတိပညာ၊ လျော့ညံ့ရာသည်၊ မကြာလက်ငင်း၊ မျက်မှောက်တွင်း။..

မျက်ရှေ့သက်သေများ.........

စေ့ရေစေ့ရေ၊ ဖြစ်ဘူးထွေကို၊ သက်သေတံဆိပ်၊ ပုံခတ်နှိပ်အံ့၊ မအိပ်သီးစောက်၊ တောဆင်ပေါက်နှင့်၊

မိုးသောက်ကြက်တင်၊နေဝင်ကောက်လှန်း၊ဥဒါန်းဖြစ်လေ၊ဆရာစေသား၊ထင်းခွေတပည့်၊အိပ်ကျုးသည့်ကြောင့်၊
မပြည့်လိုအင်၊ မျက်စိပင်တည့်၊ မမြင်မွဲတေ၊ ဆုံးဘူးချေ၏၊ တစ်ထွေစံတည်၊ လှည်းကုန်သည်ဝယ်၊
ရှေးတည်သမား၊ အအိပ်များ၍၊ လှည်းသားအားလုံး၊ ရေငတ်ထုံးလည်း၊ ယူကျုံးဖွယ်သာ၊ အနေမှာကား၊ ရတနာစီခက်၊ နေရာထက်ဝယ်၊ တက်သက်နေမိ၊ ပညာရှိလျက်၊ သတိယွင်းလပ်၊ မင်းဒဏ်ကြပ်၏၊

မရပ်ရာဘိ၊ ရပ်မှားမိသည့်၊ ဘူရိဒတ်ဝယ်၊ အလမ္ပါယ်သည်၊ ဆိပ်စွယ်ထိလွှမ်း၊ လူရည်နွမ်း၏၊ ထုတ်သမ်းခရီး၊ မသွားဆီး၍၊ ပျက်စီးတိမ်မြုပ်၊ ခန္ဓာချုပ်သည်၊ တရုပ်ပြေးမင်း၊ တိမ်နင်းပျံသန်း၊ ရှင်ကန်းမလင်၊ ပုံပြင်ထူရှည့်၊

ပြည့်တန်ဆာထံ၊ ဆွမ်းရပ်ခံသည်၊ ရှင်ပျံတို့မှ၊ ဈာန်လျှောကျ၏၊ စံပအဝတ်၊ ယွင်းမှားချွတ်သည့်၊ ဒွတ္တပေါင်မင်း၊ ဆင်ခြင်းမရာ၊ နန္တာသူရိယ၊ ပျောက်ပဆုံးပါး၊ စားစရာမှာ၊ မနူဟာနှင့်၊ ဇူဇကာပုဏ္ဏား၊

ဆင်သားစားခွေး၊ သောက်မှားရေးမူ၊ သူဌေးကြိးသား၊ သားစားပြည့်ရှင်၊ တပင်ရွှေထီး၊ ထုံးစံမှီး၍၊

ပျက်စီးသည့်ဘေး၊ ဝေးကမျှော်မြင်၊ ရှောင်စေချင်သည်၊ ဆံမြှင်မြူညှင်း၊ မလစ်ဟင်း။..................

                                                                             ( စိန္တကျော်သူ ဦးသြ )

စိတ်ဓာတ်မကျဘို့ စကားအချို့

ဘယ်လို အခြေအနေမျိုးမှာပဲဖြစ်ဖြစ် ကိုယ့်ကိုယ်တစ်ကြိမ်ခွင့်လွတ်တာဟာနောက်တစ်ကြိမ်

အမှားကြီးကြီးလုပ်ဖို့အတွက် အခွင့်ပေးလိုက်တာနဲ့ အတူတူပဲ။ ဒါကြောင့် အမှားလုပ်မိလျှင်

ထိုအမှားအတွက်ခွင့်လွှတ်ဘို့ မတောင်းဆိုပဲ မိမိအမှားအတွက် တစ်ခုခုပေးဆပ်ပါ။

စကားအပြောအဆိုကလည်း အောင်မြင်ဖို့အတွက် အရင်းအနှီးတစ်ခုလို့ သင်သင်ယူတတ်မြောက်တဲ့နေ့မှာ

အောင်မြင်ဖို့က လူတွေထင်သလို မခက်ခဲဘူးဆိုတာကိုသင်နားလည်လာပါလိမ့်မယ်။

မနက်က ညအထိ တစ်နေ့တာ ကိုယ်ဘာလုပ်ခဲ့သလဲဆိုတာကိုကိုယ့်ကိုယ်မေးကြည့်ခြင်းအားဖြင့်

နောက်တစ်ရက်အတွက် တက်ကြွလှုပ်ရှားမှုမျိုးကို သင်တွေ့လာပါလိမ့်မယ်။

အောင်မြင်ခြင်းရဲ့အချက်က သော့အိမ်ကိုသော့တံနဲ့ ဖွင့်တာနဲ့အတူတူပါပဲ။
တိတိကျကျ မထည့်သွင်းနိုင်ခဲ့ရင် အောင်မြင်ခြင်းတံခါးကိုသင်ဖွင့်နိုင်မှာမဟုတ်ဘူး။

ဘယ်လိုလမ်းမျိုးမဆို ကိုယ်တိုင်လျှောက်လှမ်းပြီးမှ ဖြစ်လာတာပါ။ စိတ်ကူးအိပ်မက်ကိုစောင့်ပြီး

ဖြစ်လာတာမျိုး မဟုတ်ဘူး။ အဲဒီလမ်းတွေအတွက်မှန်ကန်တိကျတဲ့ ပထမခြေတစ်လှမ်းက အရေးပါဆုံးပါပဲ။

ဘယ်လိုအောင်မြင်မှုမျိုးကမှ အလွယ်တကူဖြစ်လာတာမဟုတ်ဘူး။သင်ရွေးတဲ့တောင်ထိပ်ကို

သင်ရောက်အောင် တက်ရဲလေလေ အောင်မြင်မှုကသင်နဲ့နီးလေလေဖြစ်တယ်။

မိမိအားနည်းချက်ကို မပြတ်စဉ်းစားဆင်ခြင်ခြင်းက ကိုယ့်ကိုအောင်မြင်စေတဲ့

အကျင့်ကောင်းတွေရယူနိုင်ဖို့ပဲဖြစ်တယ်။ ဒါပေမယ့် ဒီအချက်ကို လူအများက
မလုပ်ဆောင်နိုင်ခဲ့လို့ နောက်ဆုံးမှာ ပျော့ညံ့သူတွေဖြစ်ခဲ့ရတယ်။

ရှေ့သို့နောက်တစ်လှမ်း ဆက်လှမ်းခြင်းက ကိုယ့်အတွက်ပိုတိုးတက်အောင်မြင်ဖို့ဖြစ်တယ်။

ဒါကြောင့် ကိုယ့်ကိုယ် လက်ရှိအောင်မြင်တဲ့ကုတင်ပေါ်မှာလဲလျောင်းအိပ်ပျော်မသွားပါစေနဲ့။

ငွေကြေးတွေကို မိတ်ဆွေလို၊ သူစိမ်းလိုဆက်ဆံတတ်ပါစေ။ တကယ်လို့ ငွေကြေးကြောင့်

ကိုယ့်ကိုစိတ်ထိခိုက်စေတာဟာ လူ့ဘဝကို ကျဉ်းမြောင်းစေတာနဲ့အတူတူပါပဲ။ တကယ်လို့

ငြိမ်သက်အေးချမ်းတဲ့စိတ်နဲ့ ဆက်ဆံခဲ့ရင် သင့်ဘဝဟာ နဂိုကတည်းက

ငွေကြေးပိုင်ဆိုင်ထားတာနဲ့မခြားတော့ပါဘူး ..

ကိုယ့်ကိုကိုယ်ဒီကမ္ဘာပေါ်က ဘယ်သူနဲ့မှနှိုင်းပြီး မယှဉ်ပြိုင်ပါနဲ့။

အဲဒီလို ပြိုင်လိုက်တာဟာ ကိုယ့်ကိုကိုယ် စော်ကားလိုက်တာပါပဲ။

သင်စိတ်ညစ်နေတဲ့အခါမှာဘ၀ကသင့်ကိုရယ်တယ်။သင်ပျော်ရွှင်နေတဲ့အခါမှာ

ဘ၀ကသင့်ကိုပြုံးပြီးကြည့်တယ်။သင်သူများတွေကို ပျော်ရွှင်အောင်

လုပ်ပေးတဲ့အခါမှာတော့ ဘ၀က သင့်ကို အလေးပြုတယ်။

အောင်မြင်သူတိုင်းမှာပင်ပန်းဆင်းရဲတဲ့ဇာတ်လမ်းတစ်ပုဒ်ရှိဖူးပါတယ်။
ပင်ပန်းဆင်းရဲတဲ့ဇာတ်လမ်းတိုင်းမှာလည်း အောင်မြင်တဲ့ဇာတ်သိမ်းတစ်ခုရှိပါတယ်။

လွယ်တာကသူများရဲ့အမှားကိုဝေဖန်အကဲဖြတ်ဖို့ပါ။ခက်တာကတော့

ကိုယ့်အပြစ်ကိုအမှန်အတိုင်းသိမြင်ဖို့ပါ။

ဘယ်သူမှအတိတ်ကိုပြန်သွားပြီး ဆိုးရွားတဲ့အစကိုပြင်လို့မရပါဘူး။ ဒါပေမယ့်

အောင်မြင်တဲ့အဆုံးသတ်ရဖို့ အခုချက်ချင်း စတင်လှုပ်ရှားတာကိုတော့ လူတိုင်းလုပ်လို့ ရပါတယ်။

အခွင့်အရေးတစ်ခုကိုဆုံးရှုံးလိုက်ရပြီဆိုရင် သင့်မျက်လုံးတွေကို

မျက်ရည်တွေနဲ့ပြည့်မနေပါစေနဲ့။ မျက်ရည်တွေက သင့်ရှေ့က 

ပိုကောင်းတဲ့ နောက်ထပ်အခွင့်အရေးတစ်ခုကို ကွယ်ပစ်လိုက်ပါလိမ့်မယ်။

မျက်နှာကိုပြုပြင်လိုက်တာ(Changing the face)ဟာဘာကိုမှ ပြောင်းလဲစေနိုင်မှာ မဟုတ်ပါဘူး။ 

ဒါပေမယ့် အပြောင်းအလဲကို ရင်ဆိုင်လိုက်တာ (Facing the change)ကတော့

အရာရာကို ပြောင်းလဲသွားစေနိုင်ပါတယ်။

သူများတွေအကြောင်း မကျေမနပ် ညည်းညူမနေပါနဲ့။

ငြိမ်းချမ်းချင်ရင် ကိုယ့်ကိုကိုယ်ပဲ ပြောင်းလဲပြုပြင်လိုက်ပါ။

အမှားတွေက ဖြစ်ပျက်နေတဲ့ အချိန်မှာတော့ နာကျင်ပင်ပန်းစေပါတယ်။

ဒါပေမယ့် နှစ်တွေကြာလာလို့ အဲဒီအမှားတွေ စုပေါင်းလိုက်တဲ့ အခါမှာတော့

သင့်ကို အောင်မြင်မှုဆီ ခေါ်ဆောင်သွားမယ့် "အတွေ့အကြုံ"ဆိုတာဖြစ်လာပါတယ်။

ကျရှုံးတဲ့အချိန်မှာ ရဲရင့်မှုရှိပါ။ အောင်မြင်တဲ့အချိန်မှာ တည်ငြိမ်မှုရှိပါ။

အပူပေးခံထားရတဲ့ ရွှေတွေဟာ အလှဆင်ပစ္စည်းတွေ ဖြစ်လာပါတယ်။

ပြင်းပြင်းထန်ထန် နန်းဆွဲခံထားရတဲ့ ကြေးတွေဟာ ၀ိုင်ယာကြိုးတွေ ဖြစ်လာပါတယ်။

ထွင်းထုခံထားရတဲ့ ကျောက်တုံးတွေဟာလည်း ရုပ်ထုတွေ ဖြစ်လာပါတယ်။ ဒါကြောင့်

သင့်ဘ၀မှာနာကျင်မှုခံစားရမှုတွေ များလာလေ သင့်ရဲ့တန်ဖိုးတက်လာလေပါ။

လမ်းစကိုတွေ့ပြီဆိုရင် ဘယ်လောက်ဝေးတဲ့ ခရီးပဲဖြစ်ဖြစ် လျှောက်ရမှာမကြောက်တော့ဘူး။

လမ်းစကိုတွေ့အောင်ရှာဘို့ပဲ အဓိကအရေးကြိးတာပါ 

သစ်ပင်၏ ဦးတည်ရာကို လေက အဆုံးအဖြတ်ပေး၏။

လူ၏ ဦးတည်ရာကို ကိုယ့်ကိုယ်တိုင်က အဆုံးအဖြတ်ပေး၏။

ကိုယ့်ကို မချစ်မနှစ်သက်တဲ့ လူကို လေးစားပါ။သူ့နောက်ကွယ်မှာသူ့ကောင်းကြောင်းကိုပဲ ပြောပါ။

အဲဒီစကားသူ့ နားဆီမရောက်ဘူး ဆိုတာ လုံးဝ စိတ်ချပါ။

"မ"သိဘူး၊"မ"လုပ်ဘူး၊"မ"ရဘူး၊"မ"တတ်ဘူးဆိုတဲ့"မ"နေရာမှာ"ကြိုးစားကြည့်မယ်"“သိပ်မသေချာဘူး" "အချိန်အနည်းငယ်ပေးပါ" "ဆုံးဖြတ်ပြီးမှ အကြောင်းပြန်လိုက်မယ်" လို့ ပြောင်းသုံးပါ။


                                                                                   

ဘယ်သူ့ကိုအရင်ဖိတ်မလဲ

တခါက အိမ်ရှင်မတဦးသည် အိမ်ရှေ့တွင် မုတ်ဆိတ်ဖြူနှင့် အဘိုးအိုသုံးဦးထိုင်နေသည်ကို တွေ့လိုက်မိသည်။

ထိုအဘိုးအိုများကို သူမသိပေ။

"အဘိုးတို့ကို ကျွန်မ မသိဘူး။ဒါပေမဲ့ အဘိုးတို့ ဆာနေလောက်မယ်ထင်တယ်။ အိမ်ထဲဝင်ပြီး

တခုခု သုံးဆောင်ပါဦးလား"ဟု သူမ လောကွတ်ပြုသည်။"အိမ်ရှင်ယောက်ျားရှိနေလား"

အဘိုးအိုက မေးသည်။ "မရှိဘူး...အပြင်သွားလိုက်တယ်" "ဒါဆို အဘိုးတို့ အိမ်ထဲကို ၀င်လို့မရသေးဘူး"

ညနေ လင်ယောက်ျား ပြန်လာသောအခါ အိမ်ရှင်မက အကြောင်းစုံကို ပြောပြလိုက်သည်။
"ကိုယ်အိမ်ရောက်နေပြီပဲ...သူတို့ကို ပြန်သွားဖိတ်လိုက်ပါဦး" အိမ်ရှင်မက အဘိုးအို သုံးဦးအား

အိမ်ထဲဝင်ခဲ့ဖို့ ဖိတ်ခေါ်ပြန်သည်။ "အဘိုးတို့ သုံးယောက်စလုံး အိမ်တအိမ်ထဲကို ပြိုင်တူဝင်လို့ မရဘူး"
"ဘာဖြစ်လို့လဲ...အဘိုး" အိမ်ရှင်မက တအံတသြနှင့် မေးသည်။ "သူ့နာမည်က ဓနဥစ္စာတဲ့"

အဘိုးအိုတဦးက အခြားတဦးကို ထိုးပြပြီးပြောသည်။ ဆက်၍ "သူကတော့ အောင်မြင်ခြင်း၊

အဘိုးက ချစ်ခြင်းမေတ္တာ၊ အိမ်ထဲကို ဘယ်သူအရင် ၀င်ရမလဲဆိုတာ တူမလေးယောက်ျားနဲ့ အရင်
သွားတိုင်ပင်ကြည့်လိုက်ဦး" အိမ်ရှင်မမှာ အိမ်ထဲဝင်ပြီး လင်ယောက်ျားကို အကြောင်းစုံ ပြောပြပြန်သည်။
"အော်.. ဒီလိုကိုး... ဒါဆိုရင် ဓနဥစ္စာကို အရင်ဆုံးဖိတ်လိုက်ရအောင်""ဘာဖြစ်လို့ အောင်မြင်ခြင်းကို

အရင်မဖိတ်တာလဲ"အိမ်ရှင်မက အတွန့်တက်သည်။

"ချစ်ခြင်းမေတ္တာကို အရင်ဆုံး ဖိတ်လိုက်ရင် မကောင်းဘူးလား"ထောင့်တနေရာတွင် ထိုင်ပြီး

သူတို့ပြောသော စကားကို နားထောင်နေသည့် ချွေးမဖြစ်သူက အကြံပြုသည်။

"အင်း....ကောင်းတယ်။ ချစ်ခြင်းမေတ္တာကို အရင်ဖိတ်မယ်" ချွေးမ၏ အကြံကိုသူတို့ထောက်ခံလိုက်ကြသည်။

"ချစ်ခြင်းမေတ္တာကို အရင်ဖိတ်ပါတယ်။ အိမ်ထဲကိုကြွပါ" အိမ်ရှင်မက ဖိတ်ခေါ်လိုက်သည်။

ချစ်ခြင်းမေတ္တာဟုသော အဘိုးအိုကအိမ်ထဲဝင်သည်နှင့်ကျန်အဘိုးအို နှစ်ဦးက လိုက်ဝင်လာသည်။

"သုံးယောက်လုံး ပြိုင်တူဝင်လို့ မရဘူးဆို ကျွန်မက သူ့ကိုပဲအရင်ဖိတ်လိုက်တာ။

အဘိုးတို့က ဘာလို့ လိုက်ဝင်လာရသလဲ"

"တကယ်လို့ တူမက ဥစ္စာဓန သို့မဟုတ် အောင်မြင်မူကို အရင်ဖိတ်ရင်ကျန်တဲ့နှစ်ဦးကလိုက်ဝင်လို့မရဘူး။

ချစ်ခြင်းမေတ္တာကို အရင်ဖိတ်မယ်ဆိုရင်သူဘယ်ကိုသွားသွား ကျန်တဲ့နှစ်ဦးက လိုက်ကိုလိုက်ရတယ်။

ဘယ်နေရာမှာဖြစ်ဖြစ်ချစ်ခြင်းမေတ္တာဆိုတာ ရှိရင်ဥစ္စာဓနနဲ့ အောင်မြင်မူ ဆိုတာလည်း ရှိမှာပဲ"
အဘိုးအို တဦးက ရှင်းပြသည်။

နာကျင်မူကို ခံစားရတဲ့အခါ ငြိမ်းချမ်းခြင်းနဲ့ ကရုဏာတရားကို သင်ရပါစေ။

ကြောက်ရွံ့မူကို ခံရတဲ့အခါ ချစ်ခြင်းမေတ္တာနဲ့ ရဲစွမ်းသတ္တိကို သင်ရပါစေ။

ကိုယ့်ကိုယ်ကို သံသယ၀င်တဲ့အခါ (မိမိကိုယ်ကို) ယုံကြည်မူကို
လက်ကိုင်ထားပြီး အင်အားအဖြင့် တဖန်ပြန်လည် ဆန်းသစ်နိုင်ပါစေ။

စိတ်ပန်း ကိုယ်နွမ်းပြီး စိတ်ဓာတ်ကျနေတဲ့အခါ ခွင့်လွတ်ခြင်းနဲ့
သည်းခံခြင်းကို ခွန်အားအဖြင့် ပြောင်းနိုင်ပါစေ။            

                                                                           Forward  Mailက ရတာလေးပါ (ရေးသူမသိပါဘူး)

ဖားပုံပြင်

ဖားအုပ်စုတစ်ခုဟာ သစ်တောတွေထဲကနေ ဖြတ်လျှောက်ခရီးသွားနေကြတယ်။ တစ်နေရာအရောက်မှာ

ဖားနှစ်ကောင်ဟာ  တွင်းနက်ထဲကို  ကျသွားတယ်။  အဲဒီအချိန်မှာ တစ်ခြားဖားတွေကအဲဒီတွင်းဘယ်လောက်

နက်တယ်ဆိုတာကိုကြည့်နေကြတဲ့အချိန် သူတို့ဟာ အဲဒီဖားနှစ်ကောင်သေတာအေးတာပဲ လို့ပြောကြတယ်။

ကျသွားတဲ့ဖားနှစ်ကောင်ဟာ တစ်ခြားဖားတွေရဲ့ကောက်ချက်ချသံတွေကို လစ်လျူရှုပြီး တွင်းထဲကနေထွက်

ဖို့ကြိုးစားကြတယ်။ တစ်ခြားဖားတွေက သူတို့ကို ခုန်တက်တာရပ်ဖို့ ဝိုင်းအော်ကြတယ်။ မင်းတို့သေတာအေး

တယ်လို့လဲပြောကြတယ်။ နောက်ဆုံးမှာ ကျသွားတဲ့ဖားနှစ်ကောင်ထဲက တစ်ကောင်ဟာ  အပေါ်ကဖားတွေ

ပြောတာကို အရေးတယူလုပ်ပြီး လက်လျှော့လိုက်တယ်။ အဲဒီတစ်ကောင်ဟာ ပြုတ်ကျပြီးသေသွားတယ်။

နောက်တစ်ကောင်ကတော့ သူတတ်နိုင်သလောက်ကြိုးစားပမ်းစားခုန်မြဲနေတယ်။ ဒီအခါမှာလည်း အပေါ်က

ဖားတွေက သူ့ကို အနာမခံနဲ့ သေလို့ အော်ပြောကြတယ်။  သူဟာ  ပိုပြီးကြိုးစားခုန်လိုက်တာ  နောက်ဆုံးမှာ

အပေါ်ကိုအောင်မြင်စွာနဲ့ရောက်သွားခဲ့တယ်။ အဲဒီတော့ တစ်ခြားဖားတွေက မေးတာပေါ့။ မင်းငါတို့ပြောတာ

ကိုမကြားဘူးလားလို့မေးကြတယ်။အပေါ်ရောက်လာတဲ့ဖားက သူဟာ နားလေးနေတဲ့အကြောင်းရှင်းပြတယ်။

သူထင်တာက  အပေါ်ကဖားတွေက  သူ့ကို အပေါ်ရောက်အောင် တစ်ချိန်လုံး  ဇွဲမလျှော့ဘဲ ကြိုးစားတက်ဖို့

အားပေးနေခဲ့တယ်လို့ထင်ခဲ့တယ်။ဒီပုံပြင်လေးက သင်ခန်းစာ နှစ်ခုပေးတယ်။

(၁)လျှာမှာ ရှင်စေနိုင်စွမ်းနဲ့ သေစေနိုင်စွမ်းရှိတယ်။ အားပေးစကားတစ်ခွန်းဟာ အောက်ရောက်နေတဲ့သူကို အပေါ်ရောက်အောင်လုပ်နိုင်သလို သူ့ကိုလည်း တစ်နေ့လုံးကူညီရာရောက်ပါတယ်။

(၂) ပျက်ဆီးစေတဲ့စကားတစ်ခွန်းကတော့ ကျနေတဲ့သူတစ်ယောက်ကို သေစေနိုင်ပါတယ်။

စကားလုံးတွေရဲ့စွမ်းအားက တစ်ခါတစ်ရံမှာ နားလည်ရခက်ပါတယ်။

ဒါကြောင့် ကိုယ်ပြောတဲ့စကားတစ်ခွန်းကို ဂရုစိုက်ပါ ....

                                                                      မင်းဟာငါ့ဘဝပါ

တစ်ခါကအိန္ဒိယက ကလေးတစ်ယောက်ကို သူ့မိဘတွေက ဘော်ဒါကျောင်းကိုပို့လိုက်တယ်။ သူတို့ကလေး

ကိုမပို့ခင် အဲဒီကောင်လေးဟာ သူ့အတန်းထဲမှာအတော်ဆုံးကျောင်းသားတစ်ယောက်ပါ။ စာမေးပွဲတိုင်းမှာ

ထိပ်ဆုံးမှာရှိပါတယ်။ သူဟာ လူတော်တစ်ယောက်ပါ။  ဒါပေမဲ့ဒီကောင်လေးကို အိမ်ကနေဝေးပြီး ဘော်ဒါ

ကျောင်းကို ပို့လိုက်တဲ့အချိန်ကစပြီး အပြောင်းလဲကြီးပြောင်းလဲသွားခဲ့ပါတယ်။ သူ့ရဲ့ကျောင်းတုန်းကအဆင့်

တွေဟာ ကျစပြုလာပါတယ်။ သူဟာအစုအဝေးနဲ့နေရတာကိုမုန်းလာတယ်။ သူဟာတစ်ချိန်လုံး အထီးကျန်

ဆန်နေခဲ့တယ်။ မှောင်နေတဲ့အချိန်မှာများဆိုရင် သူ့ကိုယ်သူ အဆုံးစီရင်ချိန်စိတ်ပေါက်တဲ့အထိပါပဲ။ ဒါတွေ

အားလုံးဟာ ဘာကြောင့်လဲဆိုတော့ သူဟာ သူ့ကိုယ်သူ ဘာမှအသုံးမကျတဲ့ကောင်လို့ထင်ပြီး ဘယ်သူက

မှ သူ့ကို မနှစ်မြို့ကြဘူးလို့ခံစားနေရတာကြောင့်ပါပဲ။သူ့ရဲ့မိဘများက သူ့ကလေးကို စိုးရိမ်စပြုလာတယ်။ ဒါပေမဲ့ သူကလေးတစ်ခုခုမှားနေတာကိုတော့ သတိမထားမိကြပါဘူး။ ဒါ့ကြောင့် သူ့ဖခင်ဟာသူနဲ့

စကားအနည်းငယ်ပြောကြည့်ဖို့ဆုံးဖြတ်ပြီး ဘော်ဒါကျောင်းကိုလိုက်လာခဲ့တယ်။ သားအဖနှစ်ယောက်ဟာ

ကျောင်းနားကရေကန်ဘောင်လေးမှာထိုင်ကြတယ်။ အဖေဖြစ်သူက သားကိုသူ့ရဲ့အတန်း၊ဆရာဖြစ်သူတွေနဲ့

အားကစားအကြောင်းကိုအကြမ်းဖျင်းမေးကြည့်တယ်။ခဏလောက်ကြာတော့သူ့အဖေဟာ

သူ့သားကိုပြောတယ်။" သား ... အဖေ ဒီနေ့ ဒီနေရာကိုဘာကြောင့်လာတယ်ဆိုတာ သိလား " ။

သားဖြစ်သူက ပြန်ဖြေတယ်။ " သားရဲ့ကျောင်းသင်ခန်းစာ ရလဒ်တွေကို စစ်ဖို့မလား " လို့ဖြေတယ်။

" မဟုတ်ဘူး... မဟုတ်ဘူး ...သားရဲ့။ အဖေဒီကိုလာတာ သားဟာအဖေ့အတွက်အရေးကြီးဆုံးလူတစ်

ယောက်ဖြစ်တယ်ဆိုတာကိုပြောဖို့လာတာ  သားရဲ့ ...၊  အဖေသားကို  ပျော်ရွှင်နေတာပဲမြင်ချင်တယ်။

အဖေသားရဲ့စာမေးပွဲအဆင့်တွေကိုဂရုမစိုက်ဘူး။ အဖေသားအကြောင်းပဲဂရုစိုက်တယ်။ အဖေသားရဲ့

ပျော်ရွှင်မှုကိုပဲဂရုစိုက်တယ်။ သားဟာအဖေရဲ့ဘဝကြီးပါကွာ..."ဒီစကားလုံးလေးတွေကြားပြီးတဲ့နောက်

ကောင်လေးဟာ မျက်ရည်တွေဝိုင်းလာတယ်။ သူဟာ သူ့အဖေကိုဖက်ထားလိုက်တယ်။ သူတို့ဟာ

တစ်ယောက်နဲ့တစ်ယောက်အချိန်အတော်ကြာအောင် စကားမပြောကြဘဲနေကြတယ်။

အခုတော့ ကောင်လေးဟာသူလိုချင်တာမှန်သမျှရရှိသွားပါပြီ။ သူဟာ ဒီကမ္ဘာကြီးမှာသူ့ကို နှစ်နှစ်ကာကာ

ဂရုစိုက်တဲ့သူတစ်ယောက်ယောက်ရှိသေးပါလားဆိုတာကို သိသွားပါပြီ။ သူဟာကမ္ဘာကြီးကိုလူတစ်ယောက်

နဲ့ ကိုယ်စားပြုလိုက်တယ်။ ဒီနေ့မှာတော့ ဒီကောင်လေးဟာ ကောလ်ိပ်ကျောင်းမှာ အဆင့်ပထမနေရာမှာ

ရှိနေပါတယ်။ ပြီးတော့ သူဝမ်းနည်းနေတာကို ဘယ်သူကမှ မမြင်ရတော့ပါဘူး ...!

ကျေးဇူးပါပဲ အဖေ ... အဖေဟာသားရဲ့ဘဝကြီးပါပဲ

စိတ်အာဟာရ

*တစ်ခါက မျက်စိကောင်းတဲ့လူနဲ့ မျက်စိမှုန်သူနှစ်ယောက်ရေထဲမျောပါသွားခဲ့တယ်။

  ကျယ်ပြန့်တဲ့မြစ်ပြင်မှာ အသက်ရှင်နိုင်ဖို့အတွက်နှစ်ဦးသား အားသွန်ခွန်စိုက် ကူးခတ်ခဲ့ကြတယ်။
  ဒါပေမယ့် မကြာပါဘူသူတို့ ခြေကုန်လက်ပမ်းကျသွားခဲ့တယ်။ ရုတ်တရက် သူတို့ဖက် မျောလာနေတဲ့
  အဝေးကလှေတစ်စီးကို မျက်စိကောင်းသူက တွေ့မြင်သွားခဲ့တယ်။ မျက်စိမှုန်သူကလည်း မှုန်ဝါးဝါးကြားမှာ

  လှေကိုတွေ့ခဲ့လို့နှစ်ဦးသားလှေဖက်ကိုဦးတည်ပြီး အားကုန်ကူးခတ်ကြပြန်တယ်။ ကူးရင်းသွားရင်း

  မျက်စိကောင်းသူက ရုတ်တရက် အကူးရပ်လိုက်တယ်။ အကြောင်းက လှေတစ်စီးလို့ 

  သူထင်ခဲ့တဲ့အရာကလှေမဟုတ်ဘဲ သစ်ဆွေးတုံးတစ်တုံးဖြစ်နေလို့ဖြစ်တယ်။ ဒါပေမယ့်

  မျက်စိမှုန်သူက သစ်ဆွေးတုံးမှန်း မသိခဲ့လို့ အကူးမရပ်ခဲ့ဘူး။ အနီးနားရောက်မှ လှေမဟုတ်ဘဲ

  သစ်ဆွေးတုံးမှန်း သိတဲ့အချိန် သူဟာကမ်းနဲ့အတော်လေး နီးနေပြီဖြစ်တယ်။ မျက်စိကောင်းသူကတော့

  ရေလယ်မှာတစ်ဝဲဝဲလည်ရင်း နစ်မြှုပ်သေဆုံးသွားခဲ့ရတယ်။

(2)ကင်ဆာရောဂါ ဝေဒနာသည်နှစ်ဦးမှာ တစ်ဦးကနားပါးပြီး တစ်ဦးကနားထိုင်းတယ်။
 နားပါးသူက ဆရာဝန်တွေ ဆွေးနွေးတိုင်ပင်နေတဲ့ သူ (၃)လသာ ခံမယ်ဆိုတဲ့အကြောင်းကို ကြားပြီး

 စိတ်ဓာတ်တွေကျခဲ့တယ်။ နောက်ဆုံး(၃)လတောင်မခံဘဲ သေသွားခဲ့တယ်။ နားထိုင်းသူကဆရာဝန်တွေရဲ့

စကားကိုချောင်းနားထောင်ဖို့မဆိုထားနဲ့သူနဲ့ပြောချင်တဲ့စကားကိုတောင်ခပ်ကျယ်ကျယ်အော်ပြောရတယ်။
နောက်ဆုံး သူဟာ(၃)လကျော်လွန်တဲ့အထိပျော်ပျော်ရွှင်ရွှင်နေခဲ့ရတယ်။

(၃)အမေရိကန်က ရောဘတ်နဲ့ စတီဗင်ဆိုတဲ့ သူဌေးနှစ်ဦးမှာ အရွယ်အစားတူတဲ့ကုမ္ပဏီသေးတစ်ခုစီ

ပိုင်ဆိုင်ခဲ့ကြတယ်။ ရောဘတ်က တစ်ခြားလူထက်ဝေးဝေးမြင်တတ်ခဲ့ပြီး ဘယ်အရာကိုမဆို

စိစစ်တွက်ချက်တတ်တယ်။၂ဝဝ၈ခုနှစ်အမေရိကန်ရဲ့စီးပွါးပျက်ကိန်းကိုသူကြိုတင်ခန့်မှန်းတွက်ချက်ပြီး ကုမ္ပဏီကငွေတွေကို ခွဲခြမ်းမျှဝေခဲ့တယ်။ အဲဒီနောက် ကုမ္ပဏီကို ဖျက်သိမ်းပစ်ခဲ့တယ်။
၂ဝဝ၈ စီးပွါးရေးကပ်ဆိုက်တဲ့နှစ်မှာ ကုမ္ပဏီပေါင်း ၃ဝ%ပြိုကွဲသွားနိုင်တာမို့ အကြွေးတွေ မကျန်အောင်

သူဖျက်သိမ်းလိုက်တာဖြစ်တယ်။ ၃ဝ%ထဲမှာ သူ့ကုမ္ပဏီ အသေးလေးလည်းပါမယ်လို့
ခန့်မှန်းခဲ့လို့ဖြစ်တယ်။

စတီဗင်ကတော့ အတွက်အချက် မလည်ဝယ်တဲ့အပြင် အနည်းငယ်တုံးအသူလည်းဖြစ်တယ်။
အနာဂါတ်ကို လုံးဝကြိုတင်ခန့်မှန်းလို့ မရနိုင်ဘူးလို့ထင်မှတ်ထားသူလည်းဖြစ်တယ်။ အနာဂါတ်အတွက်

လှလှပပ ကြိုတင်ပြင်ဆင်ပြီးသူ့ရှေ့မှာ ချပြရင်တောင် ယုံမယ့်သူမဟုတ်ခဲ့ဘူး။ အနာဂါတ်က ကိုယ့်အနား
တကယ့်မရောက်လာသေးလို့ လို့ သူမှတ်ယူခဲ့တယ်။ ကိုယ့်ကုမ္ပဏီတစ်ရက်အသက်ဆက်လို့ရရင်

တစ်ရက်အသက်ဆက်မယ်၊ တစ်ရက်တောင့်ခံမယ်လို့ပဲသူခံယူထားတယ်။ စီးပွါးရေး ကပ်ဆိုက်တဲ့နှစ်ကို

သူ့ကုမ္ပဏီလေးကံကောင်းထောက်မစွာနဲ့ ကျော်ဖြတ်နိုင်ခဲ့တယ်။ အတွက်အချက်ကောင်းသူက
ပြိုကွဲခဲ့ရပြီး အတွက်အချက် ညံ့သူက ရေရှည်တည်တံ့ခဲ့တယ်။

လူ့ဘဝထဲက တစ်ချို့ကိစ္စမှာ သိတာထက် မသိတာက ပိုကောင်းတယ်။ ထက်မြက်တာထက်
မထက်မြက်တာက ပိုကောင်းတယ်။ လူတွေပြောတတ်ကြတဲ့ ဝိုးတိုးဝါးတား၊မှုန်ဝါးဝါးဖြစ်တယ်ဆိုတာ

ဒါမျိုးကိုခေါ်တာဖြစ်မယ်။တစ်ခါတလေမှာပျော်ရွှင်ခြင်းတွေကအဲဒီမှုန်ဝါးဝါးတွေထဲမှာ

ပုန်းအောင်းနေတတ်တယ်။တစ်ချို့ကိစ္စကများများသိလေများများစိတ်ဆင်းရဲလေဆိုသလို ကြည်ကြည်လင်လင်နိုးထလာတဲ့ တခဏမှာ အဲဒီပျော်ရွှင်ခြင်းတွေက အဝေးကို လွှင့်ထွက်သွားတတ်တယ်။


ငါရဲ့ "အရည်အချင်း" သူ့မှာမရှိသလို သူ့ရဲ့ "အရည်အချင်း"လဲ

ငါ့မှာ မရှိဘူး ဆိုတာကို ဘယ်တော့မှမမေ့ပါနဲ့

ရိုးသားစွာနေပါ

 ရွှေဂုဏ် ငွေဂုဏ်၊ ရာထူးဂုဏ်သည်၊

လူ့ဘုံလောက၊ အကာမျှတည့်၊

သူက ငြူစူ၊ မကြည်ဖြူ၍၊ 

ခွာယူလိုက၊ ခွာ၍ရ။

ရိုးဂုဏ် ဖြောင့်ဂုဏ်၊ ယဉ်ကျေးဂုဏ်သည်၊

လူ့ဘုံလောက၊ နှစ်သာရတည်း၊

သူကငြူစူ၊ မကြည်ဖြူလည်း၊

ခွာယူမရ၊ ကွာမကျ။

    (ဇော်ဂျီ)

ဖျက်စု နှစ်ဆယ်

   ၁။ စေတီမှန်းထား၊ မြတ်ဘုရား၊ တည်ထားကောင်းလျက်၊ ညောင်ပင်ဖျက်သည်။
   ၂။ မြစ်မရေနက်၊ သောင်ပြင်ဖျက်သည်။
   ၃။ မင်းကောင်းပါလျက်၊ မင်းမြှောင်ဖျက်သည်၊
   ၄။ လက်စုံစား၊ မယားကောင်လျက်၊ အမြှောင်ဖျက်သည်။
   ၅။ မောင်းသွင်းခူနင်း၊ ရေလျှင်သွင်း၊ ပျိုးခင်းကောင်းလျက်၊ မြှောင်တောင်ဖျက်သည်။
   ၆။ လက်ဆက်တံကူ၊ လှေမူခိုင်လျက်၊ စီးပိုးဖျက်သည်။
   ၇။ လက်တီးကြမ်းပြင်၊ ဆင်ဝင်ကောင်းလျက်၊ ဝဲလင်းဖျက်သည်။
   ၈။ က္ကုတ္ထိယမူ၊ ရူပါကောင်းလျက်၊ ဆံထုံးဖျက်သည်။
   ၉။ ဓမ္မသတ်တရား၊ ရှိပါငြားလည်း၊ တိမ်းပါးငဲ့ကွက်၊ လက်ဆောင်ဖျက်သည်၊
၁၀။  ရဟန်းတရား၊ ကျင့်ပါများလျက်၊ အစားဖျက်သည်။
၁၁။ သီလငါးပါး၊ ကျင့်သူအားကို၊ စီးပွားမရက်၊ လောဘဖျက်သည်။
၁၂။ သုခမိန်ဟု၊ ကျော်ရှိန်နှံ့သိ၊ ပညာရှိ၊ ကြီးဘိအမျက်၊ ဒေါသဖျက်သည်။
၁၃။ တိုက်နှင့်ကျီကြ၊ ထုပ်လျောက်စသည်၊ ခိုင်လှပေလျက်၊ ပေါင်းကွပ်ဖျက်သည်။
၁၄။ ပြည်ရွာတိုင်းကား၊ စည်ပင်ငြားလည်း၊ ခေါင်းပါးခေါင်လျက်၊ စပါးဖျက်သည်။
၁၅။ ပဉ္စ္စင်တူရိယာ၊ နှဲခရာ၊ သာယာပေလျက်၊ လင်းကွင်းဖျက်သည်။
၁၆။ လက်သင်လှော်ကား၊ လှော်ပေငြားလည်း၊ အသွားကောင်းလျက်၊ လှေပဲ့ဖျက်သည်။
၁၇။ ဘောဇဉ်ငါးပါး၊ ပျားအရသာ၊ ကောင်းပါပေလျက်၊ ဆားငံဖျက်သည်။
၁၈။ ဆီမီးတန်ဆောင်၊ ဝင်းပြောင်ပေလျက်၊ လေဆိုးဖျက်သည်။
၁၉။ က္ကုတ္ထိယမူ၊ ရူမလက္ခဏာ၊ ကောင်းပါပေလျက်၊ ရောဂါနှိပ်စက်၊ အနာဖျက်သည်။
၂၀။ သူကောင်းဖြစ်ငြား၊ မူထားကောင်းလျက်၊ အပေါင်းဖျက်သည်။
                                               (တောင်ဖီလာ ဆရာတော်)

ကြောက်ကြီး(၉)လုံး ဆုံးမစာ

၁။ မျက်ကွယ် မျက်မြင်၊ မဆင်ခြင်၊ လူရှင်သိမည်ကြောက်။
၂။ မေတ္တာကုန်ခန်း၊ စိတ်မချမ်း၊ ညှိုးနွမ်းမည်ကိုကြောက်။
၃။ ကိုယ်နှင့်မတန်၊ စကားထန်၊ မင်းဒဏ်သင့်မည်ကြောက်။
၎။ သစ္စာမမြဲ၊ အကျင့်လွဲ၊ ပါယ်ထဲရောက်မည်ကြောက်။
၅။ လွန်ကျူးသမျှ၊ နောက်နောင်တ၊ ရှိရမည်ကိုကြောက်။
၆။ သေနှင်အရက်၊ လူကိုဖျက်၊ အရှက်ရမည်ကြောက်။
၇။ မင်း၏ဥစ္စာ၊ အနည်းသာ၊ ပြစ်ဆာရောက်မည်ကြောက်။
၈။ မဟုတ်မလျား၊ သူလှည့်ဖျား၊ မှောက်မှားမည်ကိုကြောက်။
၉။ ရန်သူငါးချက်၊ အခင်းဖျက်၊ သေပျက်မည်ကိုကြောက်။
                                                       (တွင်းသင်းမင်းကြီး မဟာစည်သူ)

သိင်္ဂါလောဝါဒသုတ်..ကျင့်ဝတ်ကဗျာများ

တစ်လောကလုံး၊ ညွတ်ရုံးဦးချ၊ နှိုင်းမမျှသား၊ ဘုရားရွှေစက်၊ ရောင်ပြိုးပြက်ကို၊

ဦးထက်တင်ထား၊ ရိုညွတ်တွား၍သားနှင့်မိဘ၊ တပည့်စသည်၊ ပြုရအံ့ဝတ်၊

ချွတ်မူပါယ်ရွာ၊ လားမည့်တာကြောင့်၊သုတ်ပါထေယျ၊ ကျမ်း၌ပြသည်၊

လောကကျင့်ရာ၊ အကျဉ်းမှာပိမ့်၊ နတ်ရွာဖို့လုံးလုံး ကျက်၍သုံး။ ................

သားသမီးကျင့်ဝတ် ငါးပါး။

ကျွေးမွေးမပျက်၊ ဆောင်ရွက်စီမံ၊ မွေခံထိုင်စေ၊ လှူမျှဝေ၍၊

စောင့်လေမျိုးနွယ်၊ဝတ်ငါးသွယ်၊ ကျင့်ဖွယ်သားတို့တာ။ 

မိဘကျင့်ဝတ် ငါးပါး။

မကောင်းမြစ်ခါ၊ ကောင်းရာညွှန်လတ်၊ အတတ်သင်စေ၊

ပေးဝေနှီးရင်း၊ ထိန်းမြားခြင်းလျှင်၊ ဝတ်ငါးအင်၊ ဖခင်မယ်တို့တာ။

တပည့်ကျင့်ဝတ် ငါးပါး။

ညီညာထကြွ၊ ဆုံးမနာယူ၊ လာမူကြိုဆီး၊ ထံနီးလုပ်ကျွေး၊

သင်တွေးအံရွတ်၊ တပည့်ဝတ်၊ မချွတ်ငါးခုသာ။

ဆရာ့ကျင့်ဝတ် ငါးပါး။

အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန်းဆီးကာ၊

သင့်ရာအပ်ပို့၊ ဆရာတို့၊ ကျင့်ဖို့ဝတ်ငါးဖြာ။

လင်ကျင့်ဝတ် ငါးပါး။

မထီမဲ့ကင်း၊ အပ်နှင်းဥစ္စာ၊ မိစ္ဆာမမှား၊ ဝတ်စားဆင်ယင်၊

မြတ်နိုးကြင်၊ ငါးအင် လင်ကျင့်ရာ။

မယားကျင့်ဝတ် ငါးပါး။ 

အိမ်တွင်းမှုလုပ်၊ သိမ်းထုပ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊

ပျင်းရိမမူ၊ ဝတ်ငါးဆူ၊ အိမ်သူကျင့်အပ်စွာ။

မိတ်ဆွေကျင့်ဝတ် ငါးပါး။

ပေးကမ်းချီးမြှင့်၊ ကိုယ်နှင့်ယှဉ်ထား၊ စီးပွါးဆောင်ရွက်၊ နှုတ်မြွက်ချိုသာ၊

သစ္စာမှန်စေ၊ ဝတ်ငါးထွေ၊ ကျင့်လေမိတ်သဟာ။

အိမ်ရှင့်ကျင့်ဝတ် ငါးပါး။

ဝစွာကျွေးမွေး၊ ပြုရေးစီရင်၊ နာလျှင်ကုစေ၊ ငှဝေရသာ၊

အခါကိုလွှတ်၊ အိမ်ရှင့်ဝတ်၊ မချွတ်ငါးခုသာ

အိမ်ဖော်ကျင့်ဝတ် ငါးပါး။

အိပ်သော်နောက်ကျ၊ ထသော်ကားရှေး၊ ပေးမှယူအပ်၊

စေ့စပ်ဆောင်ရွက်၊ ကျေးဇူးမြွက်၊ ငါးချက်ပြုကျင့်ရာ။

ဒါယကာကျင့်ဝတ် ငါးပါး။

မေတ္တာစိတ်သက်၊ ဆောင်ရွက်ချစ်ကြင်၊ ခင်မင်နှုတ်ချို၊ လိုလျှင်ဖိတ်ထား၊

တတ်အားလှူစေ၊ ဝတ်ငါးထွေ၊ ပြုလေဒါယကာ။

ရဟန်းကျင့်ဝတ် ငါးပါး။

မကောင်းမြစ်ခါ၊ ကောင်းရာညွှန်လစ်၊ အသစ်ဟောကျူး၊ နာဘူးထပ်မံ၊

နတ်ထံတင်ရာ၊ မေတ္တာလဲပြု၊ ရဟန်းမှု၊ ခြောက်ခုလွန်သေချာ။

ကျမ်းသိင်္ဂါလ၊ သုတ်ဝယ်ပြ၊ သုံးဝမြတ်ဆရာ။

ကျင့်ဝတ်မပြေ၊ ပါယ်လေးထွေ၊ လာလေရှည်မြင့်ကြာ။

ဤသည့်ဝတ်ကုန်၊ ဆွေမျိုးစုံ၊ ခြောက်ဘုံထက်နတ်ရွာ။

လှည်းဘီးပြင်က၊ နားစောင့်ချသို့၊ မိဘနှင့်သား၊ မယားနှင့်လင်၊ အိမ်ရှင်အိမ်ဖော်၊

ထေရ်ကျော်ဒါယကာ၊ မိတ်သဟာနှင့်၊ ဆရာတပည့်၊ တည့်တည့်မချွတ်၊ ကျင့်ဝတ်စုံလင်၊

ဖြူသန့်စင်မူ၊ ရှင်လည်းမကွေ၊ သေလည်မကွာ၊ နတ်ရွာလူ့ပြည်၊ လှည့်လည်အတူ၊ စံစားမူ၍၊ 

နိဗ္ဗူရွှေပြည်၊ ဝင်အံ့သည်တည့်၊ မတည်ကျင့်ဝတ်၊ ချွတ်သူတို့မှာ၊ မလွတ်သာတည်း၊ 

လေးရွာဖို့လုံးလုံး၊ လူဖြစ်ရှုံး။

                                                    (သင်္ဂဇာ ဆရာတော်)

ဂီဟိ ဝိနယ

 ဥစ္စာပျက်ကြောင်း(၆)ပါး

သေစာသောက်စား၊ လမ်းသွားခါမဲ့၊ ရှုငဲ့သဘင်၊ ပျော်ရွှင်အန်လောင်း၊
မကောင်းမိတ်ဖျင်း၊ ပျင်းရိခြင်းကား၊ ယိုယွင်းဥစ္စာ ပျက်ကြောင်းတည်း။

                                                       

အရက်သောက်ခြင်းအပြစ်(၆)ပါး

ဥစ္စာယုတ်ခြင်း၊ ငြင်းခုံများစွာ၊ ရောဂါထူပြော၊ ကျော်ဇောမဲ့တုံ၊ မလုံအင်္ဂါ၊
ပညာနည်းရှား၊ ဤခြောက်ပါးကား သောက်စားသေစာ အပြစ်တည်း။

                                                        

အခါမဲ့သွားလာခြင်း အပြစ်(၆)ပါး

ကိုယ့်သားမယား၊ တစ်ခြားဥစ္စာ၊ လုံရာမဲ့ရှောင်း၊ မကောင်းအရာ၊ ရွံ့ရှာလေအပ်၊
ယိုးစွပ်ရောက်မှု၊ ဆင်းရဲစု၊ ခြောက်ခု ခါမဲ့သွားပြစ်တည်း။

                                                        

သဘင်ပွဲလမ်းအပြစ်(၆)ပါး

ကခြင်းတလီ၊ သီသည်တသီး၊ မှုတ်တီးတသင်း၊ ပြိန်ဖျင်းတအုပ်၊ လက်ခုပ်တတည်၊
အိုးစည်တဖြာ၊ ရှိရာရှာဟု၊ ဥစ္စာပျက်မှု၊ ဤခြောက်ခုကား၊ ကြည့်ရှုသဘင်အပြစ်တည်း။

                                                        

လောင်းကစားအပြစ်(၆)ပါး

အောင်သူရန်ပွါး၊ ရှုံးသားစိုးရိမ်၊ စည်းစိမ်လျော့ပါး၊ တရားသဘင်၊ မ၀င်သက်သေ၊
မိတ်ဆွေနှိမ့်ဆို၊ မလိုထိမ်းမြား၊ ဤခြောက်ပါးကား၊ ပျော်ပါးကြွေအန် အပြစ်တည်း။

မိတ်ဆွေပျက်(၆)ပါး

ကြွေအန်ကြူးထ၊ မိန်းမကြူးထွေ၊ သေစာကြူးမှု၊ အတုပြုငြား၊
လှည့်စားတထောက်၊ မျက်မှောက်လှည့်ချက်၊ နိုင်ထက်လုယူ၊
ဤသူခြောက်ပါး၊ မိတ်ဖြစ်လားကြောင့်၊ ပျက်ပြားမိတ်ဆွေအပြစ်တည်း။

ပျင်းရိခြင်းအပြစ်(၆)ပါး

အချမ်းပြင်းဝှန်၊ အလွန်ပူနိုး၊ မိုးချုပ်လှမော၊ စောလှလွန်းယောင်၊ ဆာလောင်ပြင်းပြ၊
ဝမ်းဝလွန်းထွေ၊ နေကပညာ၊ မပွါးရာသည်၊ ခြောက်ဖြာပျင်းသူအပြစ်တည်း။

အကြီးအကဲကျင့်ဝတ်(၆)ပါး

ထကြွနိုးကြား၊ သနားသီးခံ၊ ဝေဘန်ကြည့်ရှု၊ ဤခြောက်ခုကား၊ ကြီးသူ့ကျင့်ရာတရားတည်း။

                                     မိတ်ဆွေတု(၁၆)ပါး

ကိုယ်ကျိုးကိုသာငဲ့သောမိတ်ဆွေတု(၄)ယောက်

လက်ချည်းလာ၍၊ ဥစ္စာဆောင်သယ်၊ နည်းငယ်ဖြင့်သာ၊ များစွာလိုရှိ၊ ဘေးထိရောက်ခါ၊
ပြုလာတုံဘိ၊ မိမိကျိုးငှာ၊ မှီလာပေါင်းယှဉ်၊ လေးယောက်စဉ်ကား၊ အညဒတ္ထုဟရတည်း။

နှုတ်ဖြင့်ဟန်ဆောင်သော မိတ်ဆွေတု(၄)ယောက်

ရှေးဖြစ်စေ့စပ်၊ တထပ်နောက်မှီး၊ ချည်းဆီးသဂြိုဟ်၊ ပေးလိုစဟန်၊ ပစ္စပ္ပန်မူ၊
ပြညွှန်ပျက်ပြား၊ ဤလေးပါးကား မှတ်သား ဝစီပရမတည်း။

ချစ်ဖွယ်ကိုဆိုသော မိတ်ဆွေတု(၄)ယောက်

မကောင်းခွင့်ပြု၊ ကောင်းမှုကိုလျှင်၊ ဆင်ခြင်မရှု၊ ခွင့်ပြုသည်ပင်၊ ရှေ့တွင်ချီးမွမ်း၊
ဖုံးလွှမ်းကွယ်လျှင်၊ ကဲ့ရဲ့ချင်သည်၊ လေးအင်ပီယဘာဏီတည်း။

မကောင်းမှု၌ အဖော်ပြုသော မိတ်ဆွေတု(၄)ယောက်

သောက်တုတ်သေရက်၊ ညဥ့်နက်လမ်းသွား၊ ရှုစားသဘင်၊ ပျော်ရွှင်အန်စာ၊
လေးရပ်မှာပင်၊ တကွထင်သည်၊ လေးအင်အပါယ်သဟဲတည်း။ 

                                            မိတ်ဆွေစစ်(၁၆)ပါး

ကျေးဇူးရွက်ဆောင်တတ်သော မိတ်ဆွေစစ်(၄ယောက်

မေ့လျော့စောင့်လာ၊ ဥစ္စာစောင့်ရှောက်၊ ဘေးရောက်ကိုးကွယ်၊ ပြုဘွယ်ရှိက၊
နှစ်ဆဥစ္စာ၊ ပေးချေလာသည်၊ လေးဖြာ ဥပကာရတည်း။ 

ဆင်းရဲချမ်းသာ မပစ်ခွါသော မိတ်ဆွေစစ်(၄)ယောက်

လျှို့ဝှက်စကား၊ ကြားစေတုံလျှက်၊ သူလျှို့ဝှက်၍၊ ဘေးတွေ့မစွန့် မတွန့်တိုပါ၊ သူ့ကိုညှာလျှက်၊ 

သူ့သက်စွန်မြောက်၊ ဤလေးယောက်ကား၊ မျှလောက်ချမ်းသာ ဆင်းရဲတည်း။ 

အကျိုးရှိရာ ပြောသောမိတ်ဆွေစစ်(၄)ယောက်

မကောင်းမြစ်ခါ၊ ကောင်းရာသွင်းထား၊ မကြားစတောင်း၊ အကြောင်းကြားလာ၊

နတ်ရွာလမ်းပြ၊ ဤလေးဝကား၊ မည်ရ အတ္ထက္ခာယီတည်း။

အစဉ်သနားတတ်သော မိတ်ဆွေစစ်(၄)ယောက်

ဥစ္စာခမ်းနား၊ မပွါးသမြို့၊ မနှစ်လို့ငြား၊ ပွါးကရွှင်မြူး၊ ကျေးဇူးမဲ့ကို၊ ဆိုသော်တားမြစ်၊

ကျေးဇူးဖြစ်ကို၊ ဆိုသော်ချီးမွမ်း၊ သူတို့တမ်းကား၊ မိတ်ကျွမ်း အနုကမ္မတည်း၊

အလေးမြတ်ပြုအပ်သော အရပ်ခြောက်မျက်နှာ။

အရှေ့မိဘ၊ တောင်မှဆရာ၊ နောက်မှာမယား၊ မြောက်ကားမိတ်ဆွေ၊

အောက်ခြေကျွန်များ၊ အထက်ဖျားကား၊ ပုဏ္ဏားရဟန်း ခြောက်ရပ်တည်း။

အလောင်းလျာတို့ အလိုတော်(၆)ပါး

လောဘဒေါသ၊ မောဟကင်းလို၊ တောခိုတစ်ဖြာ၊ ဆိတ်ရာငြိမ်သက်၊

ဝဋ်မှထွက်၊ ခြောက်ချက်လောင်းလျာလိုတော်တည်း။ 

မပြတ်ဆင်ခြင်ရာသောတရား(၅)ပါး

အိုခြင်းတစ်ဖြာ၊ နာခြင်းတစ်ထွေ၊ သေခြင်းတစ်ခြား၊ ကွဲပြားတတန်၊ ကံလျှင်ဥစ္စာ၊

ဤငါးဖြာကို၊ မကွာနေ့ည၊ ဥာဏ်သက်ဝင်၍ဆင်ခြင်ကြ။

အကျိုးဆောင်သောတရား(၁)ပါး

သေခြင်းတစ်ပါး၊ ဤတရားကား၊ စီးပွါးများမြောင်၊

အကျိုးဆောင်သည်၊ အိုအောင်အောက်မေ့စီးဖြန်းကြ။

                                                                  (ဆရာတော် ဦးဗုဓ်)

အမုန်းပင်လယ်

ပင်လယ်ပြင်သည်အကျယ်အားဖြင့်လည်းကောင်းအနက်အားဖြင့်

လည်းကောင်းတိုင်းတာ၍မရကောင်းချေ၊ ထို့ကြောင့်

ပင်လယ်ခရီးသွားရခြင်းကို ကမ်းမမြင် လမ်းမမြင်ဟု ပြောကြ၏။
ပင်လယ်သည် အဲဒီလောက်ထိ ကျယ်ပြန့်၍ အဲဒီလောက်ထိ နက်ရှိုင်း၏၊ အဲဒီလောက်ဟုဆိုခြင်းသည် အတိုင်းအတာကို ပြသည်မဟုတ်၊ တိုင်းတာ၍မရနိုင်သည်ကိုဆိုခြင်းဖြစ်ပါ၏။သူ၏အမုန်းတရားသည်လည်း
ပင်လယ်ပြင်ကဲ့သို့တိုင်းတာ၍မရနိုင်လောက်အောင်နက်ရှိုင်းကျယ်ပြန့်
လှပါ၏။သေရိဝရွဲကုန်သည်နှင့်လောလရွဲကုန်သည်တို့သည်တမြေထဲနေ

တစ်ရေထဲသောက်သူများဖြစ်ကြ၏၊“ဥစ္စာလိုရင် ကုန်သည်လုပ်” 

ဆိုသည့်အတိုင်းသူတို့သည် ရွဲများကို နယ့်အနှံ့လှည့်လည်၍ရောင်းရင်း စီးပွါးရှာကာဘ၀ကိုရည်တည်နေသူများဖြစ်ကြ၏။ဘ၀ချင်းတူသော်လည်း

စိတ်ထားချင်းတော့ မတူညီကြ၊ သေရိဝရွဲကုန်သည်သည် စိတ်ထား
ကောင်း၏၊ပစ္စည်းမှန်ဈေးမှန်၍သမာဓိအခံရှိသူဖြစ်၏။လောလ
ရွဲကုန်သည်သည်ကားစိတ်ထားကောက်၏၊ပစ္စည်းမမှန်ဈေးမမှန်
သမာဓိအခံလည်းမရှိပေ။ သူတို့နှစ်ဦးသည်စိတ်ထားချင်းအသွင်မတူ

သော်လည်းကုန်ရောင်းခရီးသွားချင်းတော့တူနေကြ၏၊သွားရင်းသွားရင်း
ဖြင့်နီလ၀ါဟမြစ်”ကို ဖြတ်ကျော်၍ အရိဋ္ဌပူရ မြို့တော်သို့ပင်ရောက်လာခဲ့
ကြပေပြီ၊အရိဋ္ဌပူရ မြို့တော်သည်လည်း လူကုန်တန်ပေါ၍ကြွယ်ဝသူ
များသောမြို့တစ်မြို့ဖြစ်၏၊ သူတို့သည်ပါလာသော ရွဲများကို

ရောင်းရန်အတွက်လမ်းများကိုခွဲဝေကြ၏။တစ်နေရာနှစ်ဦးပြိုင်တူ
သွားလျှင်ရောင်းကုန်တူနေ၍အဆင်မပြေလှပေ။  သို့သော်
တစ်ဦးရောင်းပြီးသောနေရာကိုကျန်တစ်ဦးကရောင်းခွင့်ရှိ၏၊ဤသည်မှာ

ရှေးခေတ်ကုန်သည်တို့၏အစဉ်အလာကျင့်ဝတ်တစ်ခုပင်ဖြစ်၏။

လောလရွဲကုန်သယ်သည် ရောင်းရင်းရောင်းရင်းဖြင့် သူဌေးကြီးကျ

(ဟိုတစ်ချိန်က အလွန်ကြွယ်ဝချမ်းသာသော်လည်းဥာတိဗျသန-

ဆွေမျိုးပျက်စီးခြင့်း၊ ဘောဂဗျသနပစ္စည်းဥစ္စာပျက်စီး ခြင်းတို့ကြောင့် အခြေမလှ အနေမကျဖြစ်နေသည့်) မြေးအဖွါးနှစ်ယောက်သာရှိသော အိမ်သို့ရောက်လာ၏၊ မြေးမလေးသည်ငယ်ရွယ်သူလေးမို့သူများနည်းတူ
လှချင်ပချင်တန်ဆာဆင်ချင်စိတ်ရှိ၏၊ဤသည်မှာလည်းအပြစ်မဆိုသာပါ
မိန်းကလေးများ၏သဘာဝပင်ဖြစ်၏၊အမျိုးသမီးများသည်တန်ဆာဆင်
ခြင်း၌ရောင့်ရဲခြင်းမရှိဟုပင် ဆိုထားပါ၏၊ ထို့ပြင် အမျိုးသမီးများနှင့် ပါတ်သက်၍ အိမ်ထောင်ရှင် အမျိုးသားများကျင့်ရမည့် ကျင့်ဝတ်ထဲတွင်
“၀တ်စားဆင်ယင်”ဟူသောကျင့်ဝတ်တစ်ခုပါရှိနေသည်ကိုတွေ့နိုင်ပါ၏။

ဤသည်မှာ အမျိုးသမီးများ၏ ဆန္ဒကို ဖြည့်ဆည်းပေးခြင်းဖြစ်ပါ၏။

အမျိုးသမီးငယ်လေးသည် သူ့အဖွါးကိုရွဲဝယ်ပေးဖို့ပူဆာတော့၏၊အဖွါးက
င့ါမြေးရယ် ငါ့မြေးလေးကို အရင်တုန်းကလိုဆိုရင်ဖွါးဖွါးကရွှေပေါ်မြတင်

ဆိုသလို တင့်တောင့်တင်တယ်ထားမှာပေါ့ကွယ်၊အခု အဖွါးတို့ဘ၀က

လက်လှုပ်နိုင်မှ ပါးစပ်လှုပ်ရတဲ့ဘ၀ဆိုတာ ငါ့မြေး လေးလဲအသိပဲကွယ်၊ ငါ့မြေးလေးက လိမ္မာပါတယ်ကွယ်နော်၊ ဖွါးဖွါးမှာ ပေးစရာ မရှိလုိ့ပါ
မြေးလေးရယ်၊အဖွါးသည်ပြောရင်းပင်မျက်ရည်လေးများဝေ့လာတော့၏။ 
(အဖွါးသည် ငယ်ရာမှ ကြီးလာသူ ဖြစ်၏၊ ဤအရွယ်သည် သူများနည်းတူ လှချင်ပချင်တန်ဆာဆင်ချင်သည့်အရွယ်မှန်းသိ၏၊သူ့မြေးလေး
ကျောင်းနေပညာသင်ရမည့်အချိန်မှာထမင်းတစ်နပ်စာအတွက်
သူများအိမ်မှာနေ့စားအလုပ်လေးလုပ်၊ရတာလေးနှင့်လောက်အောင်စား၊
ရှိတာလေး နှင့်လှအောင်ဝတ်နေရမှန်းလည်း သိပါ၏ သို့သော် ဘာများ
တတ်နိုင်ပါမည်နည်း၊မလွဲသာမတတ်သာသည့်အဆုံးဖြေစိတ်အနေနှင့်
ကံကိုပဲလှည့်ချနေမှိ၏၊ ကံဆိုးလိုက်တဲ့ င့ါမြေးလေးရယ်၊ ဤသည်မှာ

အဖွါးစိတ်ထဲမှာ တွေးနေမှိသောအတွေးလေးသာဖြစ်ပါ၏၊

ဤအတွေး ဤအဆွေးကို မြေးမလေး သိမည်မဟုတ်ပါ)။
မြေးမလေးသည် ဇွဲ့မလျှော့၊ လိုချင်သည်ကို ရအောင်လုပ်ယူတတ်သည့် စိတ်ဓါတ်ရှိ၏၊သူစဉ်းစား၏၊ဘယ်လိုဖန်ရမလဲ၊ဘယ်လိုကြံရမလဲ၊သူသည်

အိမ်တွင်းမှုလည်း စေ့စပ်သေချာသူလေး ဖြစ်သည့်အပြင်  ဘယ်နား
ဘာရှိသည်ကိုလည်း မှတ်မိသူဖြစ်၏၊ ထို့ကြောင့် ရွဲကို ငွေမရှိလျှင်
ဘာနှင့်ဝယ်ယူရမလဲ စဉ်းစားကြည့်သောအခါအိုးကြိုအိုးကြား၌ မသုံးပဲ

ပစ်ထားသည့် ခွက်တခွက်ကိုအမှတ်ရလာ၏၊သူ၏မျက်လုံးသည်

အရောင်တောက်လာ၏၊ ဖွါးဖွါး မြေးတိုိ့အိမ်မှာအသုံးမပြုတဲ့ ခွက်တစ်ခု

ရှိတယ်လေ၊ အဲဒီခွက်လေးနှင့်ရွဲလဲရင်ရချင်ရမှာ။ဖွါးဖွါးဝယ်ပေးပါနော်၊

အေးလေ ငါ့မြေးကဒီလောက်လိုချင်နေမှာတော့ ရွဲကုန်သည်လေးကို ဖွါးဖွါးခေါ်ကြည့်အုံးမယ်လေ။အဖွါးကြီးသည် အိမ်ပေါက်ရောက်နေသည့်

ရွဲကုန်သည်လေးကို ခေါ်ပြီး နေရာထိုင်ခင်းပေးကာလူလေးရဲ့ဟော့ဒီက

မင့်နှမလေးက(ယဉ်ကျေးသူတို့အသုံးအနှုံးဖြစ်၏)ရွဲလိုချင်လို့ပူဆာနေလို့
ပါကွယ်၊ အဖွါးတို့လည်း ဆင်းရဲလွန်းတော့ငွေကြေးမတတ်နိုင်လို့ပါ၊

ဟောဒီက ခွက်လေးယူပြီး ရွဲလေးနဲနဲပါးပါးပေးခဲ့ပါလားကွယ်။

 (အဖွါးကြီးသည် ဆင်းရဲသော်လည်း တစ်ချိန်က ကြွယ်ဝချမ်းသာသည့် လူကုန်တန်ဖြစ်ခဲ့သူမို့အပြောလည်းချိုသာလှ၏)။လောလရွဲကုန်သယ်
သည်ခွက်ကို သေသေချာကြည့်၏၊ခွက်လေးသည် မသုံးတာကြာ၍

ဖုန်များပေကပ်ကာကြာတော့ညစ်ပါတ်နေတော့၏၊ခွက်ကို အပ်ဖြင့် ခြစ်
ကြည့်သောအခါအရေးအကြောင်းများထင်လာ၏၊အော်ရွှေခွက်ပါတကား

(အရင် သူဌေးကြီး ရေချိုးရာ၌ အသုံးပြုသော ရွှေခွက်ဖြစ်၏၊သို့သော်
ရိုးလွန်းသောမြေးအဖွါးနှစ်ဦးသည် ရွှေခွက်မှန်း မသိကြ။)

လောလ ရွဲကုန်သယ်သည် ခွက်ကို ကိုင်ရင်း စဉ်းစားနေ၏၊  အင်းသူတို့
မြေးအဖွါးရွှေခွက်မှန်းမသိကြဘူး၊ငါဒီရွှေခွက်ကိုအလကားရအောင် 

ကြံမှပဲဟု စဉ်းစားနေ၏၊ထို့နောက်တော့ အမယ်ကြီးတို့ ခွက်ဟာဘာမှ

တန်ဖိုးမရှိ၊တစ်ပဲမပြောနှင့်ပဲဝက်တောင်မတန်တဲ့ခွက်အိုကြီးပဲ၊ဒါကြောင့်
ရွဲတစ်လုံးမှမပေးနိုင်ပါဟု ဆိုကာ ခွက်ကို လွှင့်ပစ်၍ ထွက်ခွါသွားလေ၏၊
(သူသည်ခွက်ကိုတန်ဘိုးမရှိဟုထင်အောင်ဟန်ဆောင်ပြုလုပ်ခြင်းဖြစ်၏၊ 
ရိုးသားလွန်းသောမြေးအဖွါးနှစ်ဦးသည်ရွဲလေးတစ်လုံးနှစ်လုံးပေး၍
ခွက်ကိုယူသွားလျှင်လဲပေးလိုက်ကြမည်သာဖြစ်ပါ၏၊ယခုတော့
သူ့လောဘကမသိနားမလည်သူကို အချဉ်ဖမ်း ချင်လွန်းအားကြီးနေ၍ 
 ရွဲတစ်လုံးမျှမပေးပဲ ခွက်ကိုလွှင့်ပစ်ကာထွက်ခွါသွားခြင်းဖြစ်၏)
မြေးအဖွါးနှစ်ဦးသည် ဇီးရွက်ခန့်ငယ်သောမျက်နှာလေးများဖြင့်
ကျန်ရစ်ခဲ့ကြ၏၊ထို့အပြင် မျက်ရည်စက်လေးများလည်း စီးကျနေကြ၏၊

ဆင်းရဲလွန်း၍ကျသော ဒုက္ခမျက်ရည်စက်များပေ တကား။

လောလရွဲကုန်သည်ထွက်သွားပြီးနောက်မကြာခင်မှာပင်သေရိဝ
ရွဲကုန်သယ်သည်မြေးအဖွါးအိမ်ပေါက်နားသို့ ရောက်လာ၏၊၊

“ရွဲကုန်သယ် လာပြီဗျ ခင်နှမတို့ ဆင်ကြစေဖွယ်၊ အဆင်လှလို့  ဈေးကချိုတယ်၊ အပိုပါရသေး” ရွဲများဝယ်ကြအုံးမလာဗျာ၊ ရွဲရွဲ၊ လှမှလှ သန့်မှသန့် အညံ့ဆိုလို့တစ်လုံးမှမပါပါ၊ တစ်ကုံးမှမပါပါခင်ဗျာ၊ပစ္စည်းမှန် ဈေးမှန်၊အရိဋ္ဌရွှေမြို့သူလေးများအတွက်လှစေချင်လွန်းတဲ့စေတနာအမှန်

နှင့်လာရောင်းပေးတာပါခင်ဗျာ၊ မြေးမလေးသည် အသံကြားရာသို့ မျှော်လင့်ချက်လေးဖြင့်လှမ်းကြည့်နေ၏၊အင်းဒီအကိုလေးကရုပ်လေးက
လည်းခပ်သန့်သန့်ပဲ။အသံလေးကလည်းသနားတတ်တဲ့အသံလေး
ပါတယ်၊သဘောကောင်းမည့်ပုံပဲ၊ဖွါးဖွါးနောက်ထပ်ရွဲကုန်သည်
တစ်ယောက်လာပြန်ပြီဖွါးဖွါးရဲ့။ဝယ်ပေးပါအုံးနော်ဖွါးဖွါး၊မြေးမလေးသည်
အဖွါးနားသွားကိုလက်လေးကိုဆုပ်ကိုင်ရင်းပူဆာနေတော့၏၊ အင်း

ငါ့မြေးကလဲအမှတ်မရှိပဲကိုးကွဲ့၊ခုနင်က ရွဲကုန်သယ် ပြောသွားတာ

ငါ့မြေးကိုယ်တိုင်ကြားလိုက်တယ်မဟုတ်လား၊ပဲဝက်တောင်မတန်ဘူးတဲ့၊
ပြောပြောဆိုဆိုခွက်ကိုလွှင့်ပစ်သွားတာလေ။ အဖွါးတို့ကသာ အိမ်က
ပစ္စည်းလေးဆိုပြီးသံယောဇဉ်တပ်နေတာ၊ဟိုကဖြင့်ဂရုတောင်မစိုက်ဘူး၊

ခု ငါ့မြေးက ဘာနှင့်များ ၀ယ်ချင်သေးတာလဲကွယ်။ ဖွါးဖွါးကလည်း လူချင်းတူပေမဲ့ အသက်ရှုချင်း မတူဘူးတဲ့၊ ခုနင်က ရွဲကုန်သည်က ရုပ်ကလည်း ခပ်ဂျစ်ဂျစ်ပုံစံ၊ အပြောအဆိုကလဲကြည့်လေ ဖွါးဖွါးကိုများ
ပြောသွားလိုက်တာ၊အမယ် ကြီးတဲ့၊ ဟွန်းဆင်းရဲတော့နှိမ်ချင်ကြတာလေ
ပြောတာဆိုတာကအစ။အခုရောင်းတဲ့အကိုကြီးကရုပ်လေးကသန့်သန့်
လေး သဘောကောင်းမည့်ပုံရှိတယ်ဖွါးဖွါးရယ်နော် ၀ယ်ပေးပါနော် ဖွါးဖွါး၊
အေးအေးငါ့မြေးကဒီလောက်ပူဆာနေမှာတော့ငါ့မြေးစိတ်ချမ်းသာအောင်

အဖွါးခေါ်ကြည့်ပါအုံးမယ်ကွယ်။ ဟေ့လူလေးလာပါအုံးကွယ်၊ ဒီက

မောင့်နှမလေးကရွဲလိုချင်လို့တဲ့ကွယ်၊အဖွါးတို့ကလည်းဆင်းရဲလွန်းတော့
ငွေကြေးတော့မရှိဘူးကွယ်၊ဒီခွက်လေးပဲရှိတာ။အဲဒါလူလေးက ဒီက
နှမလေးစိတ်ချမ်းသာအောင်ရွဲနဲနဲလောက် ပေးခဲ့ပါလားကွယ်။...အော်

ဟုတ်ကဲ့ပါ ဖွါးဖွါး၊သေရိဝရွဲကုန်သယ်သည် အဖွါးပေးသောခွက်ကို ကြည့်လိုက်၏၊အင်း..ရွှေခွက်နှင့်တူလိုက်တာ၊သေချာအောင်အပ်သွားဖြင့်
ခွက်ကိုခြစ်ကြည့်၏၊တောက်ပသောရွှေရောင် အစင်းကြောင်းလေးများ

ထင်လာ၏၊ဖွါးဖွါး ဖွါးဖွါးတိုခွက်က ရွှေခွက်ကြီး ဖွါးဖွါးရဲ့။ခေတ်ကာလ ပေါက်ဈေးအရအနည်းဆုံးဈေးကိုတစ်သိန်းလောက်တန်တယ် ဖွါးဖွါးရဲ့၊

ကျနော့မှာ အဲဒီလောက်ထိ မပါပါဘူးအဖွါးရယ်။ပြောပြောဆို ရွှေခွက်ကို
တရိုတသေ ပြန်ပေးလိုက်၏၊လူလေးဘုန်းကံကြောင့်တစ်သိန်းတန်

ရွှေခွက်ဖြစ်သွားတယ်ထင်ပါတယ်ကွယ်၊စောစောကလာတဲ့ရွဲကုန်သယ်
ပြောသွားတာကတော့ ပဲဝက်တောင် မတန်ဘူးတဲ့၊  အဲဒီတော့

လူလေးထိုက်လို့လူလေးရတယ်လို့ သဘောထား၊ဟောဒီကဖွါးဖွါးရဲ့မြေး။
မောင့်နှမလေးကိုသာ ရွဲလေးနဲနဲပါးပါး ပေးခဲ့ပါကွယ်၊ဒါဆိုဒီလိုလုပ်ပါလား
ဖွါးဖွါးရယ်၊ ကျနော် ရွဲရောင်းလို့ ရတဲ့ အသပြာငါးရာရယ်။ဟောဒီအသပြာ
ငါးရာတန်တဲ့ရွဲတွေရယ်အားလုံးကိုယူလိုက်ပါ။ကျနော့အတွက်တော့

အပြန်စရိတ်စခအဖြစ်ငွေအသပြာရှစ်ကျပ်ရယ်၊ရွဲထည့်တဲ့ဒီအိပ်လေးရယ်
ဒီက ချိန်ခွင်လေးရယ် အဲဒါလေးတော့ ဖွါးဖွါးပြန်ပေးပါနော်၊ရောင်းသူလဲ ကျေနပ်နေ၏၊၀ယ်သူလည်းကျေနပ်၏၊နှစ်ဦးနှစ်ဖက် ကျေနပ်၍
စိတ်ချမ်းသာ စရာကောင်းလှ၏။မြေးမလေး မျက်နှာလေးသည်

သော်တာလ၀န်းကဲ့သို့တပြုံးပြုံးနှင့်သေရိဝရွဲကုန်သည်ကိုကျေးဇူးတင်
မဆုံးဖြစ်နေတော့၏။သေရိဝ ရွဲကုန်သယ်သည် နီလ၀ါဟမြစ်သို့
တန်းသွား၏၊ မြစ်ဆိပ်၌ အသင့်ရှိနေသောလှေကိုအသပြာရှစ်ကျပ်ပေး၍ 
(အော်ဒါငှားကာ)တစ်ဖက်ကမ်းသို့ ကူးသွားတော့၏။

သေရိဝထွက်သွား၍ခဏအကြာမှာပင်လောလရွဲကုန်သယ်သည်မြေး
အဖွါးအိမ်သို့ပြန်ရောက်လာ၏၊၊အိမ်ထဲဝင်၍အမယ်ကြီးခုနင်ကခွက်စုပ်
ပေး၊ သနားလို့ ရွဲနဲနဲပေးခဲ့မယ်၊ အော် လူလေးက အဖွါးတို့ကိုသနားလို့

ဟုတ်လား၊ ဟုတ်တယ် ဒီကအချိန်သိပ်မရှိဘူး၊ရှေ့ခရီးဆက်စရာ

ရှိသေးတယ်၊ ခုနင်ကခွက်စုပ်သာ မြန်မြန်ပေး၊လူလေးကသာ ခွက်စုပ်လို့ ပြောတယ်၊နောက်မှရောက်လာတဲ့ရွဲကုန်သယ်လေးကတော့ရုပ်ကလည်း
သန့်၊ အပြောကလည်း ချို။ သဘောကလည်း အကောင်းသားကွဲ့။
လူလေးရဲ့သခင်နှင့်တူပါတယ်ကွယ်၊ သူက တစ်သိန်းတန်တယ်

ပြောပါလားကွဲ့။ အဖွါးတို့က ပေးချင်သလောက်သာ ပေးခဲ့ပါဆိုလို့ 
(ပစ္စည်းငွေ စုစုပေါင်းတန်ဘိုး) တစ်ထောင်ပေးပြီး ယူသွားလေရဲ့ကွယ်၊။ ဖွါးဖွါးတုိ့ကလည်းလောဘ မကြီးပါဘူး၊ သူထိုက်လုိ့ သူရတာကိုးကွယ့်။

လောရွဲကုန်သယ်သည် စကားကိုပင် ကုန်အောင် နားမထောင်နိုင်တော့၊ တစ်သိန်းတန်ရွေခွက်သူလက်လွတ်ဆုံးရှုံးလိုက်ရပြီးလို့သိလိုက်သည်နှင့်

တစ်ပြိုင်နက် စိတ်မထိမ်းနိုင်တော့။သတိလက်လွတ် ဖြစ်သွားတော့၏၊
ရောင်းရသမျှငွေ၊ ကျန်သမျှ ပုလဲအားလုံးကိုဖျန့်ကျဲပစ်လိုက်တော့၏။
ပုံမှန်စိတ်မဟုတ်တော့၊အ၀တ်အစားများပင်မကပ်တော့။ချိန်ဝင်ရိုးလေး
ကို ဒုတ်လက်နက်သဖွယ်ပြုပြီး သေရိဝသွားရာ မြစ်ဆိပ်သို့ အပြေး
လိုက်လေတော့၏။လောလရွဲကုန်သယ် မြစ်ဆိပ်ရောက်ချိန်၌ သေရိဝ
ရွဲကုန်သယ်တို့လှေသည် မြစ်လယ်သို့ပင်ရောက်ရှိနေပေပြီ၊ လောလ

ရွဲကုန်သယ်သည် လှေကို ဆိပ်ကမ်း ပြန်ကပ်ဖို့ အော်၍ခေါ်နေတော့၏၊

သို့သော် လှေသည်  အသပြာရှစ်ကျပ် (တန်ရာတန်ကျေးထက်ပို) ပေးငှားထားသည်လှေဖြစ်၏၊သေရိဝက အပြတ်ငှားထားသော လှေဖြစ်၍

ရှေ့တစ်ဖက်ကမ်းသို့သာ ဆက်လက်သွားဖို့ ပြောလိုက်၏၊ ဤသို့ဖြင့် သေရိဝ စီးသွားသောလှေသည် ဝေး၍ ဝေး၍ သွားတော့၏။
လောလရွဲကုန်သယ်သည် မတရားလိုချင်သည့်လောဘ၊ တစ်သိန်းတန်
ရွှေခွက်ကိုမရလိုက်ခြင်းကြောင့်ဖြစ်သောသောက၊သေရိဝရွဲကုန်သယ်ကို
မကျေနပ်သည့်ဒေါသ..ယင်းအပူတို့ကြောင့်တောက်လောင်လာသည့်

အပူဒါဏ်ကို နူးညံ့သည့် နှလုံးသားသည် ခံနိုင်ရည် မရှိတော့နှလုံးသား ကွဲအက်ကာသွေးများပင် အန်ထွက်ကျလာတော့၏။သူသည်မိမိ

လောဘကြီးလွန်း၍တစ်သိန်းတန်ရွှေခွက်လက်လွှတ်ဆုံးရှုံးရသည်ကို
မမြင်။သေရိဝရွဲကုန်သည်လူလည်လုပ်သွားသည်ဟုသာ မြင်နေ၏။

ထို့ကြောင် သေရိဝရွဲကုန်သည်ကို မကျေနပ် မုန်းတီးသော စိတ်နှင့်ပင်

အသက်ထွက်သွားတော့၏၊သူ၏ အမုန်းသည် ပင်လယ်ကဲ့သို့နက်ရှိုင်း၏၊
ပင်လယ်ကဲ့သို့ကျယ်ပြန့်၏၊ ဤသည်မှာ အနီးကပ်ဆုံးဥပမာသာဖြစ်ပါ၏။

အမှန်အားဖြင့် သူ၏သေရိဝရွဲကုန်သယ်ပေါ်မုန်းသောအမုန်းတရားသည်
ပင်လယ်ထက်လည်းအဆပေါင်းများစွာနက်ရှိုင်း၏အဆပေါင်းများစွာ
လည်းကျယ်ပြန့်လှပါ၏။သူသည် ယင်းအမုန်းတရားကြောင့် ငါးကမ္ဘာ
တိုင်တိုင်ကြုံရင် ကြုံသလိုသေရိဝရွဲကုန်သည်ကို ရန်ပြုသည်သာ ဖြစ်ပါ၏(လောလရွဲကုန်သယ်သည် အရှင်ဒေ၀ဒတ်အလောင်း ဖြစ်၍
လောလရွဲကုန်သယ်သည် ဘုရားအလောင်းတော်ဖြစ်ပါ၏) 

လောဘ ဒေါသ မောဟဟူသော အတွင်းရန်ကိုမပါယ်သတ်နိုင်သေးသမျှ

ကာလပါတ်လုံးအဆင်မပြေတိုင်းသူ့ကြောင့်ဟုလောကကိုလက်ညှုိးထိုး

နေကြပေအုံးမည်၊အတွင်းရန်ကိုပါယ်သတ်၍သူတစ်ပါးကို လက်ညှိုးထိုး

ရန်ငြိုးဖွဲ့ခြင်းမှကင်းဝေးကြ၍ငြိမ်းချမ်းသောနိဗ္ဗာန်သို့
မျက်မှောက်ပြုနိုင်ကြပါစေ.…) 

                                        ကောင်းသစ်

ဝဋ်ကြွေးကြမ္မာ ..ဇာတ်သိမ်း

ဘုရင်မင်းကြီးအပြုံးကားရန်သူကိုတိတိကျကျမိမိရရသိခွင့်ရသောကြောင့် ပြုံးခြင်းဖြစ်၏။သို့သော်ဝမ်းသာဝမ်းနဲရောနေသောကြောင့်မချိပြုံးသာ
ပြုံးနိုင်၏၊ လုပ်ကြံသူကို သိခွင့်ရ၍၀မ်းသာရသော်လည်း သွားလေသူ

မိဖုရားခေါင်ကြီးကို သတိယလိုက်ပြန်တော့ ၀မ်းနည်းသွားရပြန်၏၊ အကယ်၍မိဘုရားခေါင်ကြီးသာ ရှိနေလျှင်ရန်သူကို မိသော်လည်း

သိသော်လည်းရန်ကိုရန်ချင်း မတုန့်လျင်းနှင့် ဟု ဓမ္မလမ်းညွှန်ချက်များ
သေချာပေါက်ပေးနေပေလိမ့်ဦးမည်။ ယခုတော့..သြော် မိဖုရာခေါင်ကြီး
အစီအစဉ်ကိုး၊ဒါကြောင့်လည်းမိဖုရားခေါင်ကြီးကိုသိပ်ချစ်ပြီးသိပ်အားကိုး
နေရတာပေါ့။ဒီကရှေ့ဆိုဘာပဲလုပ်လုပ်မိဖုရားခေါင်ကြီးရဲ့အကြံဥာဏ်
ကိုပဲမောင်တော်ယူရတော့မှာပေါ့။အခုလည်းမောင်တော်ဘုရင်မင်းကြီး
ကိုချစ်တဲ့မြတ်နိုးတဲ့မောင်တော်ဘုရင်မင်းကြီးအကျိုးကို အမြဲလိုလားသူ
ဖြစ်တဲ့ဟောဒီကမိဖုရားခေါင်ကြီးကို အထူးဆု ထိုက်ထိုက်တန်တန်
ချီးမြှင့်မယ်၊မိဖုရားခေါင်ကြီးကိုသာမကဆွေတော်မျိုးတော်မှန်သမျှကို
လည်း ထိုက်ထိုက်တန်တန်မောင်တော် ချီးမြှင့်ချင်တယ်၊

ဒါကြောင့်မိဖုရားခေါင်ကြီးရဲ့ဆွေမျိုးမှန်သမျှအကုန်ခေါ်ခဲ့ပါ၊ 

မာဂဏ္ဍီမိဖုရားကြီးသည်ဝမ်းသာလွန်း၍မျက်ရည်များတောင်ကျနေပေ၏၊

သူ့အနေဖြင့်ဝမ်းသာမျက်ရည်ဖြစ်၏၊သို့သော်မကြာခင်ယင်းမျက်ရည်
တို့သည်ဝမ်းအနည်းရဆုံးမျက်ရည်စက်များအဖြစ်ပြောင်းလွဲသွားမည်ကို

သူမသိရှာလေတကား) နန်းတော်ထဲ၌မိဖုရားခေါင်ကြီးမာဂဏ္ဍီနှင့်

ဆွေတော်မျိုးတော်များ အောင်ပွဲခံပျော်ရွှင်နေကြ၏ပန်းနံ့သာအ၀တ် အစားအသောက်ရတနာလိုအပ်တာမှန်သမျှ ဘုရင်မင်းကြီးက

မလိုရအောင်“ဖြည့်ဆည်းပေး”နေ၏၊ ဆွေမျိုးမတော်သူများလည်း..
ယင်းမြင်ကွင်းကိုမြင်တွေ့ရသောအခါအားကျလာ၏၊ဆွေမျိုးတော်စပ်သူ
မဟုတ်ပါပဲသူတို့လည်းမိဖုရားခေါင်ကြီးမာဂဏ္ဍီ၏ ဆွေမျိုးများပါဟု
ဆိုင်ရာလာဘ်ထိုး၍ ဆွေမျိုးအမည်ခံကာ အောင်ပွဲ ပျော်ပွဲပါဝင်ဆင်နွှဲ
နေကြ၏၊ သူတို့ အပျော်ကြီး ပျော်နေကြ၏၊ထိုအချိန်ဘုရင်မင်းကြီးသည် 

“ထင်မှတ်မထားသော အမိန့်တော်တစ်ခု”ချမှတ်လိုက်လေ၏၊

မာဂဏ္ဍီနှင့်တစ်ကွ ဆွေမျိုးအားလုံးကို တစ်ယောက်မကျန် ဖမ်းချုပ်စေ၊ တစ်ချက်လွတ် အမိန့်တော်။မိဖုရားကြီး ထိတ်လန့်သွား၏ ပျော်ခဲ့သမျှ အပျော်မှန်သမျှသည် ကြက်ပျောက်ငှက်ပျောက် ပျောက်ကုန်တော့၏ 
မောင်တော် နှမတော်ကို“ကြည်စားနေတာ”လား မောင်တော်မင်းကြီး
ဘုရာ့၊ ဥတေနဘုရင်မင်းကြီးသည် မချိပြုံး ပြုံးလိုက်၏၊ 
ကြည်စားနေတာမဟုတ်ဘူး မာဂဏ္ဍီ“ကြေကွဲနေတာဘုရင်မင်းကြီး၏
အသံသည် ဒေါသကြောင့် ဟိန်းထွက်နေ၏။အစထဲကမိဖုရားခေါင်ကြီး
လက်ချက်ဖြစ်မယ်ဆိုတာ မောင်တော် သိပြီးသား ခန့်မှန်းပြီးသား၊

မိဖုရားကြီးက သာမာဝတီအပေါ် မောင်တော်အထင်အမြင်လွဲမှားအောင်

လုပ်ကြံဖန်တီးမှုအတိတ်က အရိပ် ရှိနေတယ်လေ) ဒါပေမဲ့

လက်ပူးလက်ကြပ် သက်သေ အထောက်အထားနှင့် သိချင်လို့ ဖမ်းချင်လို့ ပရိယာယ်ဆင်နေတာ မိဖုရားကြီးကမရိပ်မိပဲကိုး၊  မိဖုရားခေါင်ကြီး သာမာဝတီဟာ အဆင်းရော အချင်းရော ပြည့်စုံတဲ့ မိဖုရားခေါင်ကြီးဖြစ်တယ်၊သူဟာ အဆင်းလှပေမဲ့  မာန်မတက်ဘူး၊ အာဏာရှိပေမဲ့ မမောက်မာဘူး၊ ချမ်းသာပေမဲ့ မမော်ကြွားဘူး၊
သခင်ဖြစ်ပေမဲ့ငယ်သားရံရွှေတော်တွေအပေါ်အကြင်နာမမဲ့ဘူး၊
သူ့နှလုံးသားမှာ ခန္တီ မေတ္တာ အကြင်နာ တရားတွေသာ
အမြဲတန်းကိန်းနေတယ်လေ၊


အဲဒီလို ကောင်းခြင်းဂုဏ်နှင့် ပြည့်စုံနေတဲ့ မိဖုရားခေါင်ကြီးကို အသင်
မိဖုရားကနန်းမဆောင်ကြီးနှင့် အတူ ရက်ရက်စက်စက် အပေါက်ပိတ်
မီးရှို့သေစေခဲ့တယ်လေ၊မိဖုရားခေါင်ကြီးသာမာဝတီိကိုရှို့လိုက်တဲ့မီးဟာ
မောင်တော်ဘုရင်မင်းရဲ့နှလုံးသားထိလောင်မြိုက်နိုင်တယ်ဆိုတာ
မိဖုရားကြီးမသိဘူးလား မတွက်မိဘူးလား။မောင်တော်ကိုအမှန်တကယ်
ချစ်မြတ်နိုးတယ်ဆိုရင်မောင်တော်ချစ်တဲ့သူအားလုံးကို ချစ်နိုင်ရမှာပေါ့။
ခုတော့.အာဏာသားများသည်မိဖုရားကြီးနှင့်တကွ အားလုံးကို
ဖမ်းဆီးလိုက်လေပြီ၊မိဖုရားကြီး၏ မျက်ဝန်း၌မျက်ရည့်များ စိုနေတော့၏
ဝမ်းသာမှုနေရာ ၀မ်းနည်းမှုက ၀င်ရောက် နေရာယူနေလေပြီ၊ ဘုရင်
မင်းကြီး၏စီရင်ချက်ကိုစောင့်စားနေရုံမှတစ်ပါးသူဘာမှမတတ်နိုင်တော့။
 ဘုရင်မင်းကြီးသည်အမိန့်တော် ချမှတ်လိုက်၏၊ မာဂဏ္ဍီမှတစ်ပါး
သူ့ဆွေတော်မျိုးတော်အားလုံးကို ခါးလောက်နက်သော တွင်းထဲ၌ ထိုင်စေကာမြေမြှုပ်.ထို့နောက်အပေါ်မှကောက်ရိုးများဖုံးအုပ်ကာမီးရှို့စေ
ပြီးလျှင် သံထွန်သွားဖြင့်အားလုံးကို အပိုင်းအပိုင်းပြတ်အောင်တစ်စစီ
တစ်စစီဖြစ်အောင် ထွန်ယက်စေ။မာဂဏ္ဍီအတွက်သီးသန့်အမိန့်တော် 

မာဂဏ္ဍီသည် အားငယ်စွာ နားစွင့်နေရှာ၏မိဖုရားခေါင်ကြီးဖြစ်ခဲ့ဘူးသူမို့

သက်ညှာသောအားဖြင့်သူ့ကိုတော့စီရင်ချက်ချလိမ့်မည်ဟုတွေးနေမှိ၏

သို့သော်...မာဂဏ္ဍီ၏ ခန္ဓာကိုယ် ဆူဖြိုးသောအရပ်မှအသားများကို
ဓားထက်ထက်ဖြင့် ပါးပါးလှီးယူကာမီးဖိုပေါ်တင် ဆီအိုးကင်း၌ ထည့်ကာ
မုံ့ကြော်သလို“ကြော်”စေ၊ယင်းအသားကြော်များကိုမာဂဏ္ဍီကိုပြန်ကြွေး
စေ..တစ်ချက်လွတ် အမိန့်တော်၊(ဘုရင်မင်းကြီသည်သာမာဝတီအပေါ် 

အချစ်ကြီး၍ လုပ်ကြံသူမာဂဏ္ဍီအပေါ် အမုန်းကြီးသွားခြင်းဖြစ်၏) 

မာဂဏ္ဍီသည်လုံးဝထင်မထားသောအမိန့်တော်ကိုကြားလိုက်ရသော
အခါတုန်လှုပ်သွား၏ အသားများပင်ဆပ်ဆပ်တုန်လာ၏၊ထိုစဉ်မှာပင်
လက်မရွံအာဏာသားများသည်မာဂဏ္ဍီကိုကြမ်းတမ်းစွာ
ဆွဲငင်သွားကြ၏၊ထို့နောက်တော့….။ 

ရဟန်းတော်များသည် ဓမ္မသဘင်၌သာမာဝတီကဲ့သို့ အပြစ်ကင်း၍

ဓမ္မကိန်းသော အမျိုးသမီးတစ်ယောက် မီးလောင်၍သေဆုံးရခြင်းသည် 
မသင့်တော်ဟု ပြောဆိုနေကြ၏တစ်ချို့ရဟန်းတော်များက သနားကြ၏ တစ်ချို့ရဟန်းတော်များက“သံဝေဂ”ဖြစ်တော်မူကြ၏။

ထိုအချိန်ရှင်တော်မြတ်ဘုရား ကြွလာတော်မူ၍“ဘာစကားများ”  
 ပြောနေကြတာလဲ ဟု(စကားစရန်အတွက်)မေးတော်မူလိုက်၏။

ရဟန်းတော်များကသာမ၀တီကဲ့သို့သဒ္ဓါတရားနှင့်ပြည့်စုံ၍ဓမ္မကိန်းသော 

အမျိုးသမီးတစ်ယောက်ယခုကဲ့သို့ မီးလောင်၍သေဆုံးရခြင်းသည်

မသင့်တော်ဟု ပြောဆိုနေကြပါသည်ဘုရားဟု လျှောက်ထားကြ၏၊ 

ထိုအခါ...ရှင်တော်မြတ်ဘုရားက..  ဤဘ၀တစ်ခုတည်းကွက်ကြည့်လျှင်

တော့မသင့်တော်ဟုထင်နိုင်စရာရှိ၏၊သို့သော်သံသရာကသူတို့ပြုခဲ့သော
“ကံ”အကြောင်းတရားပြန်ကြည့်လျှင်သူတို့ဝဋ်ကြွေးပေးဆပ်ရခြင်းဖြစ်၏
ဟုမိန့်တော်မူ၏၊သတ္တ၀ါတို့သည်သံသရာကျင်လည်စဉ်ကာလ
အတွင်းကောင်းမှုများကိုပြုခဲ့ကြသလိုမကောင်းမှုများ ပြုခဲ့ကြသည်လည်း

ရှိခဲ့ကြ၏၊ထို့ကြောင့် သံသရာ ကျင်လည်သူ မှန်သမျှသည်“ချမ်းသာ

ဆင်းရဲ”ခံစားကြရစမြဲဖြစ်၏၊မဟာကရုဏာရှင်ရှင်တော်မြတ်ဘုရားသည်

ရဟန်းတော်များအား သူ့တို့၏ဘ၀နောက်ကြောင်း(အတိတ်က အရိပ်) 

ကိုပြန်ပြောင်း ဟောပြတော်မူ၏၊

ဗာရာဏသီပြည် ဗြဟ္မဒတ်မင်းထီးနန်းစိုးစံစဉ်က ဖြစ်၏ဘုရင်မင်းကြီး၏
ပင့်လျှောက်ချက်အရပစ္စေကဗုဒ္ဓအရှင်မြတ်(၈)ပါးတို့သည် 
မင်းနန်းတော်သို့ အမြဲဆွမ်းဘုဉ်းပေးကြွတော်မူ၏ ၊မိဖုရားနှင့်ရံရွှေတော်
ငါးရာတို့ကဂရုစိုက်၍ဆွမ်းဘောဇဉ်များပြင်ဆင်ဆက်ကပ်လှူဒါန်းကြရ၏၊
 တစ်နေ့ ပစ္စေကဗုဒ္ဓါအရှင်မြတ်-၇-ပါးတို့သည် မိမိတို့ အမြဲသတင်းသုံးရာ
ဟိမ၀န္တာသို့ ပြန်ကြွတော်မူကြ၏၊ ပစ္စေကဗုဒ္ဓအရှင်မြတ်တစ်ပါးသည် မြစ်ကမ်းနဘေး“ခြုံပုတ်”တစ်ခု၌ ၀င်ရောက်သီတင်းသုံးလျှက်
“ဈာန်သမာပါတ်”၀င်စားတော် မူနေ၏၊ဗြဟ္မဒတ်မင်းကြီးသည်
ပစ္စေကဗုဒ္ဓါအရှင်မြတ်များ ပြန်ကြွသွားကြပြီးဖြစ်၍ မိဖုရားအခြံအရံ
ငါးရာကို ခေါ်၍ မြစ်ထဲ၌“ရေပက်တမ်း”ကစားကြ၏၊ မိဖုရားများသည်
အချိန်လည်းကြာ ချမ်းလှပြီလည်းဖြစ်၍ မြစ်ကမ်းပေါ်သို့ တက်၍
အအေးဒါဏ်ကာကွယ်ရန်မီးဖိုဖို့ ထင်းခြောက် မျက်ခြောက်များကို
ဟိုဟို ဒီဒီ ကြည့်ရှုရှာဖွေကြ၏၊ ထိုအခါ မြစ်ခြောက်ခြုံပုတ်တစ်ခု
မြင်တွေ့ရ၍အအေးဒါဏ်ကာကွယ်ရန်“မီးရှို့”လိုက်ကြ၏။
မျက်ခြောက်များ မီးလောင်ပြီးသောအခါ အရှင်ပစ္စေကဗုဒ္ဓါအရှင်မြတ်ကို မီးလောင်ပြင်ထဲ“ဘွားကနဲ”တွေ့မြင်ရတော့၏၊ ထိုအခါ သူတို့
ကြောက်လန့်သွားကြ၏၊မင်းကြီးများ ဒီကိစ္စ အကယ်၍သိသွားလျှင်
.. သူတို့ ဆက်မတွေးဝံ့ကြ၊ အကြောက်လွန်၍ သူတို့အားလုံး
“မလုပ်သင့်သည်ကို လုပ်လိုက်ကြ၏၊”၊ ထင်းခြောက်များ ထပ်ရှာ၍ 
အရှင်မြတ်အပေါ်သို့ စုပုံလိုက်ကြ၏၊အရှင်မြတ်ကို အမြစ်ပြတ်မီးရှို့
လိုက်ကြခြင်းဖြစ်၏၊ ထို့နောက် သူတို့ ထွက်ခွါသွားကြတော့၏၊
“ကံ- ဟူသည်မှာ စေတနာကို ခေါ်ဆိုခြင်းဖြစ်၏၊  ...သူတို့ပထမ
မြက်ခြောက်ခြုံပုတ်ထင်ကာမီးရှို့စဉ်ကစေတနာမပါ၍“ကံ”မမြောက်ပေ၊ 
သို့သော် ပစ္စေဗုဒ္ဓါအရှင်မြတ်ကိုမြင်တွေ့သောအခါ မိမိတို့ကို  ဘုရင်
မင်းကြီးကပြစ်ဒါဏ်စီရင်မည့်အရေးမျှော်တွေးကြောက်လန့်ကာ
မီးလောင်စေလိုသောစေတနာခြင့် ကြောင့်ကြစိုက်၍
အားထုတ်မိခြင်းကြောင့်“ကံ”မြောက်သွားလေတော့၏၊
သမာပါတ်ဝင်စားစဉ်ကာလအတွင်း ထင်းအစည်းပေါင်း တစ်သိန်းမျှ
မီးတင်ရှုိ့သော်လည်းအရှင်မြတ်ကိုအခိုးမျှတောင်ဟပ်နိုင်မည်မဟုတ်ပေ၊

(ဤသည်မှာ သမာပါတ်၏ ထူးခြားမှု စွမ်းရည်ပင်ဖြစ်၏၊) 

ပစ္စေကဗုဒ္ဓါအရှင်မြတ်သည်-၇- ရက်မြောက်သောနေ့၌ သမာပါတ်မှ ထတော်မူ၍ချမ်းသာစွာပင်(ဟိမ၀န္တာသို့) ကြွသွားတော်မူလေ၏၊
မိဖုရားနှင့်အခြံအရံအမျိုးသမီးငါးရာတို့သည် ထိုစေတနာပါသော
“အကုသိုလ်ကံ”တရားကို ပြုမှားခဲ့ခြင်းကြောင့် အနှစ်တစ်သိန်း
ငရဲ၌ ခံစားကြရ၏၊ ငရဲမှလွတ်လာသောအခါ ကံကြွင်း အနေအားဖြင့်
ဘ၀ငါးရာမီးဘေးသင့်၍ ဘ၀ကူးကြရ၏၊ ဤသည်မှာသူတို့ပြုခဲ့သော
အတိတ်က အကုသိုလ်ကံပင်ဖြစ်၏ မျက်မြင်အားဖြင့် သာမာဝတီ
မိဖုရားခေါင်ကြီးနှင့်ရံရွှေတော်ငါးရာတို့ကို မာဂဏ္ဍီမိဖုရားကြီးက
မီးရှို့သည်ဟု မြင်ရ၏၊ သူတို့သည် ဘ၀၏“ဓါးစာခံ”အဖြစ် ကြားဝင်
သရုပ်ဆောင်လိုက်ကြရခြင်း ဖြစ်၏၊အမှန်အားဖြင့် သာမာဝတီတို့၏
အတိတ်က ပြုခဲ့သော“အကုသိုလ်ကံကြမ္မာ၏”၀ဋ်ကြွေးကိုသူတို့
ပြန်လည်ပေးဆပ်ရခြင်းသာ ဖြစ်ပါ၏၊၀ဋ်ကြွေးကြမ္မာဟူသည်
ပြေး၍ လွတ်ရိုးထုံးစံ မရှိချေတကား


                     ပြီးပါပြီ။  ကောင်းသစ်