ကြမ်းတမ်းခြင်းမှကြင်နာခြင်း...အပိုင်း(၁၆)

ထိုအခါသနားကြင်နာခြင်းရှိတော်မူသောအမြတ်တရားကို
ရှာမှီးလေ့ရှိတော်မူသော လူနတ်ဗြဟ္မာနှင့်တစ်ကွသော လောက၏ဆရာဖြစ်တော်မူသော“မဟာကရုဏာရှင်” ရှင်တော်မြတ်ဘုရားသည် ထိုအင်္ဂုလိမာလခိုးသူကို“ရဟန်း”ထလော့-
ဟုမိန့်ကြားတော်မူ၏၊ထိုစကားသည်သာလျှင်ထိုအင်္ဂုလိမာလခိုးသူ၏

ရဟန်းအဖြစ်ပြီးစီးလေသတည်း။အင်္ဂုလိမာလသည် ပါရမီရှိသူ ဖြစ်သည့်အားလျှော်စွာမဟာကရုဏာရှင် ရှင်တော်မြတ်ဘုရား၏ “ကရုဏာ မေတ္တာ ခန္တီ အ၀ိဟိံသ”တရားတော်ကို
ကြားလိုက်ရသောအခါ“လရောင်နှင့်တွေ့သောကုမုဒြာကဲ့သို့

လည်းကောင်း၊နေရောင်နှင့်ထိသောပဒုမ္မာကြာပန်းကဲ့သို့လည်းကောင်း” 

သံဝေဂဥာဏ်များ ဖြစ်ပွါး၍ လာ၏၊လက်ရှိဘ၀နှင့်

(ဘုရားရှင်ဟောသည့်ဓမ္မ)လုံးဝ ခြားနားဆန့်ကျင်နေသည်ကိုမြင်ရ၏ ကိုယ့်အပြစ်ကိုကြည့်၏ ကိုယ့်အပြစ်ကိုသိ၏၊ ကိုယ့်အပြစ်ကိုမြင်၏ 

ထို့နောက်တော့ကိုယ့်အပြစ်ကိုပြင်ဖို့ရန်“သတိ”၀င်လာ၏
 'အသိ'ယှဉ်လာ၏ သူတစ်ပါးတို့၏ မလျော်သော အပြစ်အနာအဆာတို့ မကြည့်ရှုရာ၊သူတစ်ပါးတို့၏ ကောင်းမှုမကောင်းမှုပြုမပြုကိုမကြည့်ရှုရာ၊

မိမိ၏ ကောင်းမှုမကောင်းမှု“ပြု-မပြု”ကိုသာလျှင်ကြည့်ရှုရာ၏-တဲ့။

ဓမ္မပဒ၌ ဘုရားရှင် ဟောတော်မူသော ဒေသနာတစ်ပုဒ်ဖြစ်၏။

ယင်းဒေသနာနှင့်အညီ သူသည် ယခုကဲ့သို့လူဆိုးကြီးအဖြစ်ရောက်

ရှိခဲ့ရခြင်းသည် ဆရာကြောင့် သူငယ်ချင်းများကြောင့် ပါတ်ဝန်းကျင်ကြောင့်ဟု သူတစ်ပါကိုလက်ညှိုးထိုး အပြစ်ဖို့ခြင်းမပြုပဲ မိမိကိုယ်ကိုယ်သာအပြစ်ဖို့လျှက်ယင်းအပြစ်ကိုပြင်ဖို့ရာ
အကောင်းဆုံးဖြစ်သည့်“သမဏဘိက္ခု”အဖြစ်ကိုတောင်းပန်
လျှောက်ထားခြင်းဖြစ်၏။ရှင်တော်မြတ်ဘုရားသည်
သဗ္ဗညုတရွှေဥာဏ်တော်ဖြင့်သူ၏အတိတ်ဘ၀သမိုင်းကြောင်းကို
ပြန်ပြောင်းကြည့်တော်မူသောအခါသီလရှိသော 
ရဟန်းသံဃာတော်များကိုသင်းပိုင်၊ဧကသီ၊ဒုကုဋ်ခေါ်နှစ်ထပ်သင်္ကန်း၊
သပိတ်၊ ခါးပန်းကြိုး၊သင်တုန်းဒါး(ပဲခွပ်)၊ အပ်၊ ရေစစ်ဟူသော 
“ပရိက္ခရာရှစ်ပါး”လှူဒါန်းဘူးသည့်ပါရမီသမ္ဘာရကုသိုလ်ထူးကို”
ဥာဏ်တော်၌ထင် ကောင်းစွာမြင်တော်မူ၏။
ထို့ကြောင့် ညာလက်တော်ကို ဆန့်တန်းတော်မူလျှက်
“ဧဟိဘိက္ခု”ဟုခေါ်တော်မူ၏၊

 အပြည့်အစုံပြောရလျှင်..ဧဟိ ဘိက္ခု-ရဟန်း လာလော့၊ 

သမ္မာ ဒုက္ခဿ အန္တကိရိယာယ-၀ဋ်ဆင်းရဲ၏ အဆုံးကိုပြုခြင်းငှာ
(ဘ၀သံသရာ ပြေးသွားခြင်းမ ရပ်တန့်စေခြင်းငှာ) စရ ဗြဟ္မစရိယံ-
ငါဘုရားထံမှာ ငါဘုရားသာသနာတော်မှာ မြတ်သောအကျင့်ကို ကျင့်သုံးနေထိုင်ပါလော့ ဟု မိန့်တော်မူလိုက်ခြင်းဖြစ်၏

ယင်းစကားတော်ဆုံးသည်နှင့်တစ်ပြိုင်နက်ထဲမှာပင်အင်္ဂုလိမာလသည်

လူ့အသွင်အပြင်မှသည်(၀ါခြောက်ဆယ်ရမထေရ်ကြီးကဲ့သို့ တည်တည်ငြိမ်ငြိမ်ရှိသောရှစ်ပါးပရိက္ခရာစုံလင်စွာဖြင့်
တန်ဆာဆင်သော)ရဟန်းတော်တစ်ပါးအသွင်အပြင်သို့
ပြောင်းလဲသွားလေတော့၏၊၊ ဆံမုတ်ဆိတ် ကျင်စွယ်များလည်း ရိတ်စရာပယ်စရာမလိုတော့။ပရိက္ခရာလည်းဝယ်စရာရှာစရာမလိုတော့ 
“ဣဒ္ဓိမယပတ္တစီဝရ” ကုသိုလ်တန်းခိုးအစွမ်းဖြင့် ပြီးပြည့်စုံသော သပိတ်သင်္ကန်းကိုသူသည်တခါတည်းဆင်မြန်းပြီးသားဖြစ်သွားတော့၏။
 အရှင်အင်္ဂုလိမာလမထေရ်ဖြစ်သွားလေပြီ၊သီးသန့်ရှင်ပြုရဟန်ခံ
ပြုလုပ်ပေးစရာမလိုတော့ပေ၊ယင်းရဟန်းမျိုးကို “ဧဟိဘိက္ခု” 

ရဟန်းဟုသာသနာ့သမိုင်းတွင်ခေါ်တွင်လေသည်၊ရဟန်းပြုရန်အတွက် 

“သင်္ကန်းပရိက္ခရာကံဆောင်ပေးမည့်ရဟန်းသံဃာ သိမ် ကမ္မ၀ါစာ” 
ရှာစရာမလိုတော့၊ဤသည်မှာအတိတ်က သင်္ကန်းလှူဒါန်းဘူးသည့်

ကုသိုလ်ကံ ပါရမီ၏ ကျေးဇူးပင်ဖြစ်၏၊(ထို့ကြောင့် မြတ်ဗုဒ္ဓ၏

သာသနာတော်နှင့်ကြုံတွေ့ခိုက်ဗုဒ္ဓဘာသာဝင် သူတော်စင်တို့သည် သင်္ကန်းပရိက္ခရာလှူဖြစ်အောင် လှူဒါန်းသင်ြ့က၏်)။

သင်္ကန်းလှူဒါန်းဘူးသူသည်ဧဟိဘိက္ခုရဟန်းဖြစ်ခွင့်ရခြင်း၊

အမျိုးသမီးများအဖိုးတန်အဆင့်မြင့်ဆုံးဖြစ်သော မဟလ္လတာတန်ဆာ
ဆင်မြန်းခွင့်ရခြင်းရွှေအဆင်းကဲသို့ဝါ၀င်းသောအသားအရေရှိခြင်း၊
အလှပျက်စေသောအနာအဆာအညစ်အကြေးကင်းခြင်း၊
ခန္ဓာကိုယ်အသားအရေတောက်ပခြင်း၊ခန္ဓာကိုယ်အသားအရေနူးညံ့ခြင်း၊
ခေတ်ပေါ်ဖြစ်သောညိုရွှေဖြူနီအရောင်မျိုးစုံအထည်မျိုးစုံကို
လွယ်လင့်တကူဝတ်ဆင်ခွင့်ရခြင်း၊ (၀ိဝဋ္ဋကုသိုလ်ဖြစ်လျှင်) 
အရဟတ္တဖိုလ်ပေါက်နိဗ္ဗာန်မျက်မှောက်ပြုနိုင်ခြင်း
အကျိုးထူးများရရှိနိုင်ကြပေသည်၊ဇာလိတောတန်းလေသည်

ငြိမ်သက်နေရာမှသက်ဝင်လှုပ်ရှားလာလေတော့၏၊၊
မိခင်ဖြစ်သော မန္တာဏီပုဏ္ဏေးမကြီးသည် အံအားသင့်နေ၏၊
အံသြခြင်းလည်းဖြစ်နေ၏၊သူ့သားလေးအင်္ဂုလိမာလသည်
သူ့ရှေ့မှာပင်မယုံကြည်နိုင်လောက်အောင်ပြောင်းလဲသွား၏၊
“လူ”လည်းပြောင်လဲသွား၏၊“မူ”လည်းပြောင်းလဲသွား၏၊
လူဝတ်ဝတ်သောလူသားတစ်ယောက်မဟုတ်တော့၊

ဖန်ရည်စွန်းသောအ၀တ်ကိုဝတ်ရုံနေသောရဟန်းတော်
“သမဏ”တစ်ပါးဖြစ်သွားလေပြီ၊အတတ်ပညာအတွက်
လူသတ်လက်ဖြတ်ရန်ဦးတည်ချက်မူမထားတော့၊
ဘ၀လွတ်မြောက်ရေးအတွက်ကိလေသာတဏှာပယ်သတ်ရန်မူကို
ပြောင်းလဲလိုက်လေတော့သည်၊ထို့ကြောင့်“လူရောမူပါ”
ပြောင်းလဲသွားသော သားလေးအင်္ဂုလိမာလကိုကြည့်၍

မိခင်မန္တာဏီပုဏ္ဏေးမကြီးသည်မျက်ရည်များပင်စီးကျနေတော့၏၊

သောကကြောင့်ဖြစ်သောဝမ်းနည်းမျက်ရည်တော့မဟုတ်၊

ပီတိကြောင့်ဖြစ်သောကြည်နူးမှုဝမ်းသာမျက်ရည်များသာဖြစ်၏၊

မိခင်ကြီးသည်သားလေးကို“သားလေးဘယ်လိုနေလဲ၊ဘယ်မှာနေလဲ၊

ဘယ်ကိုသွားမှာလဲ၊အမေ့ကိုဘာကြောင့်စကားပြန်မပြောတာလဲ..

“လဲ”ပေါင်းများစွာဖြင့်တမေးတည်းမေးခွန်းများထုတ်ရင်း

ဇာလိယတောတန်းလေးမှထွက်သွားလေတော့၊ သာလေးသည်

မဟာကရုဏာရှင် ရှင်တော်ဘုရားနှင့်အတူလိုက်ပါသွားခြင်းကြောင့်

သူဆက်လိုက်၍မဖြစ်တော့၊အကြောင်းစုံကိုသားလေး၏ဖခင်ဖြစ်သော

အိမ်ထောင်ရှင်ဘ၀လက်တွဲဖေါ်“ဘဂ္ဂ၀”ပုဏ္ဏားကြိးကို

ပြန်ပြောပြရအုံးမည်။သူလည်းဝမ်းသာရှာပေလိမ့်မည်။

ရှင်တော်မြတ်ဘုရားသည် ရဟန်းသစ်ဖြစ်သောအရှင်အင်္ဂုလိမာလကို

သပိတ်သင်္ကန်းကိုင်နောက်လိုက်ရဟန်းတော်“ပစ္ဆာသမဏ”အဖြစ် ခေါ်ဆောင်လျှက်ဇာလိယတောတန်းလေးမှမူလသီတင်းသုံးရာဖြစ်သော သာဝတ္ထိပြည်ဇေတ၀န်ကျောင်းတော်သို့ဦးတည်လျှက်တောအတန်တန်

တောင်အထပ်ထပ်ရွာ နိဂုမ်း မြို့တော်များကိုဖြတ်ကျော်လျှက်

ပြည်လည်ကြွသွားတော်မူ၏၊ထိုအချိန်၌ဇာလိယတောတန်းလေးသို့

အေးမြခြင်းကိုဆောင်သောလေညှင်းလေးတစ်ချက်တိုက်ခပ်၍သွား၏၊

တစ်တောလုံးအေးချမ်း၍သွားပေပြီ။(ဆက်ရန်)

 ကောင်းသစ်