ဝဋ်ကြွေးကြမ္မာ..အပိုင်း (၁)

ရှေးခေတ်ရှင်ဘုရင်များသည်တောကစားထွက်လေ့ရှိ၏၊တောကစား
ထွက်ရာ၌ရည်ရွယ်ချက်ရှိ၏၊ တောထဲ၌ ခိုအောင်းနေသော လူဆိုးများကို ခြောက်လှန့်သည့်သဘောလဲပါ၏၊အမြဲတန်းနန်းတော်ထဲ၌နေရ၍စိတ်၏

ထွက်ပေါက်အဖြစ် စိတ်မွန်းကြပ်မှုကိုဖြေဖျောက်ရန်လည်းပါ၏။

သားကောင်များကို အထူးအားဖြင့်သမင်များကို ကိုယ်တိုင်လိုက်၍ စားသုံးရန်လည်းပါ၏၊ရှေးခေတ်တစ်ချို့ရှင်ဘုရင်များသမင်သားစွဲလမ်း

ကာထီးနန်းစွန့်၍တောထဲမှာပင်အသားကင်စားကာအနေကြာလာသော

အခါလူစင်စစ်က လူ့ပြိတ္တာအဖြစ်ပြောင်းလဲသွားသည်လည်းရှိ၏။တစ်ချို့

ရှင်ဘုရင်များတောကစားမကြာမကြာထွက်သောကြောင့် 

အလုပ်ပျက်သဖြင့်သမင်များကိုခြံခပ်ကာရှင်ဘုရင်အတွက်သီးသန့်

သမင်ခြံလုပ်ပေးကြရသည်လည်းရှိခဲ့၏။ရှင်ဘုရင်များတောကစား

ထွက်မှုနှင့်ပါတ်သက်၍မြန်မာ့နယ်ပယ်၌ရွှေသမင် ဘယ်ကထွက်

မင်းကြီးတာက ထွက်ဟူသောစကားပုံတစ်ခုပင်ကျန်ခဲ့၏။

ဥတေနမင်းသည်လည်းရှင်ဘုရင်တစ်ပါးပေမို့ တောကစားသည့်

အစဉ်အလာကို ဆက်လက်ကျင့်သုံးနေ၏၊ သို့သော် သူကတော့ သားသမင်လိုက်ရန်မဟုတ်မိဖုရားခေါင်ကြီး“သာမာဝတီ”၏ မေတ္တာရပ်ခံထားချက်အရ သားသမင်များကိုမသတ်ဖြတ်တော့၊

တော၏ သဘာဝအလှကို ရှုစားရင်းလေပြေလေညှင်းခံရင်းနှင့်တောထဲ၌ ခိုအောင်းနေထိုင်တတ်သည့်လူဆိုးများကိုခြောက်လှန့်သည့် အနေ

အားဖြင့်သာ တောစားထွက်လာခြင်းဖြစ်၏သို့သော် ယနေ့ တောကစား ထွက်လာရသည်မှာခါတိုင်းနှင့်မတူခြေလှမ်းများလေးလံနေသလို
ထင်ရ၏၊စိတ်ထဲမှာ တထင့်ထင့် ဖြစ်နေသလိုခံစားနေရ၏

“သာမာဝတီ”၊သူသည် ဘုရင်မင်းကြီး ချစ်မြတ်နိုးသော သိမ်မွေ့နူးညံပြီး

သစ္စာမေတ္တာ အကြင်နာတရားနှင့် ပြည့်စုံသော မိဖုရားခေါင်ကြီးဖြစ်၏။

ဘုရားမှတစ်ပါး ကိုးကွယ်ရာ မရှာတော့သော သောတာပန်အရိယာ

သူတော်စင်မကြီးလည်းဖြစ်၏။မိဖုရားခေါင်ကြီးသည်သလွန် 
ညောင်စောင်းထက်၌ လျှောင်းနေရင်းအိုနာသေကွဲ ရှောင်မလွဲ ကံပဲ
သင့်ကိုစီမံမည် ဟူသောဘုရားရှင်ဟောတော်မူသည့်“အဘိဏှသုတ္တန်”

တရားကို နှလုံးသွင်းဆင်ခြင်နေ၏။သခင်မ သခင်မ.. ဟို… ဟို..

အထိတ်တလန့်နှင့် ဘာဖြစ်လာတာလဲ သစ္စ၀တီ၊စကားရှေ့ဆက် မပြောနိုင်ပဲအထိတ်တလန့်ဖြစ်နေသည့်သူ၏အပါးတော်သစ္စာရှင်မလေး

ကို မိဖုရားခေါင်ကြီး မေးခွန်းထုတ်လိုက်ခြင်းဖြစ်၏။ ဟို ဟို

သခင်မစံမြန်းနေတဲ့ နန်းတော်တိုင်တွေကို မာဂဏ္ဍီရဲ့ ဦးလေးက ဆီတွေရွှဲနေတဲ့ အ၀တ်တွေနှင့်လိုက်ပြီး ရစ်ပတ်ချည်နှောင်နေတယ်
အဲဒါသခင်မလိုက်ကြည့်ပါအုံး၊သာမာဝတီမိဖုရားကြီးနှင့်ရံရွှေတော်များ

ဆင်းလာကြ၏၊ဦးလေးကြီး ဘာဖြစ်လို့ နန်းတော်တိုင်တွေကို ဆီရွှဲနေတဲ့ အ၀တ်တွေနှင့်ရစ်ပတ်ချည်နှောင်နေတာလဲ၊ သြော်.. ဟုတ်ကဲ့ပါ မိဖုရားခေါင်ကြီး ဘုရင်မင်းကြီး အမိန့်တော်အရ ဤကဲ့သို့ပြုလုပ်ရခြင်းပါ၊

(အမှန်အားဖြင့် ဘုရင်ကြီး၏ အမိန့်တော်မဟုတ် သူ့တူမ မိဖုရားခေါင်ကြီး မာဂဏ္ဍီ၏ မရိုးသားသည့် စေခိုင်းချက် ဖြစ်၏)

ဘုရင်မင်းကြီးကနန်းတော်တိုင်တွေရေရှည်ခိုင်ခန့်ဖို့ စီမံခြင်း

ဖြစ်နိုင်ပါတယ်၊အချိန်မီလုပ်ငန်းလေးတွင်ကျယ်အောင်လုပ်ရမှာမို့

မိဖုရားခေါင်ကြီးအပေါ်ခဏစံနေတောမူပါအုံး.သာမာဝတီ
မိဖုရားခေါင်ကြီးနှင့်ရံရွှေတော်များအပေါ်ထပ်စံမြန်းရာသို့ ပြန်
တက်သွားကြ၏၊

ထိုအခါ မာဂဏ္ဍီ၏ဦးလေးသည် တံခါးအားလုံးကိုအပြင်မှချက်ချလိုက်၏၊

စိတ်ချရအောင် အပြင်ကသစ်သားပါ ထပ်ရိုက်လိုက်သေး၏

သူတို့အားလုံး အောက်ဆင်း၍မရတော့၊ပြေးပေါက်ထွက်ပေါက်မရှိတော့။

ထိုအခါ အောက်ခြေမှစ၍ နန်းတော်ကြီးကို မီးရှို့လိုက်လေတော့၏။

နန်းမဆောင်အပေါ်ထပ်သို့မီးခိုးများလှိမ့်၍လှိမ့်၍ တက်လာ၏။

အပေါ်ထပ်ရှိမိဖုရားခေါင်ကြီးနှင့်တကွရံရွှေတော်များချောင်း

တဟွတ်ဟွတ်ဆိုးကုန်တော့၏၊ မီးခိုးမှိုင်းရိုက်၍ မျက်ရည်များပင် ဝေလာပေပြီ။ဘာမှသဲကွဲစွာမမြင်ရတော့။ထိုအချိန်သဲသဲကွဲကွဲ

စကားသံ ပေါ်ထွက်လာသည်ကို ရံရွှေတော်အားလုံးကြားနေရ၏၊

မိဖုရားခေါင်ကြီး၏ တည်ငြိမ်သောအသံဖြစ်၏၊(သံသရာတစ်လျှောက်လုံး ငါတို့ကျင်လည်ခဲ့ရသော ဘဝတွေမနည်းတော့ ။ဤကဲ့သို့မီးလောင်၍

သေဆုံးခဲ့ရသော ဘဝများကို ရှင်တော်ဘုရား၏ သဗ္ဗညုတဥာဏ်တော်ဖြင့်ကြည့်လျှင်ပင် ဆုံးနိုင်မည်မဟုတ်ချေ၊ မမေ့မလျော့ မိမိတရားကိုသာ နှလုံးသွင်း ဆင်ခြင်နေကြပါ၊ ငါတို့ကိုမီးရှို့သူ မာဂဏ္ဍီ မိဖုရားကြီးနှင့် သူ့အသိုင်းဝိုင်းအပေါ်လည်း ဒေါသ“အမျက်“တရား မဖြစ်စေကြနဲ့ နန်းတော်ကြီးကို တပ်မက်တဲ့ လောဘ(အမက်)တရားလည်း မဖြစ်စေကြနဲ့၊ ငါတို့ဒီလောက်

ကောင်းကောင်းမွန်မွန်နေကြပါလျှက် ဘာဖြစ်လို့ ဒီလိုအဖြစ်မျိုး

အဖြစ်ဆိုးကြုံရတာပါလိမ့်လို့ အတွေး တွေးတဲ့မောဟ (အဖျက်)

တရားလည်း မဖြစ်ပွားစေကြနဲ့၊ပြုသူအသစ်ဖြစ်သူအဟောင်း

ထုံးဟောင်းစကားရှိ၏၊ ငါတို့တစ်တွေဝဋ်ကြွေးရှိ၍ဆပ်နေရသည်ဟု

မှတ်ကြပါ၊ဤအချိန်သည်တရားမှတစ်ပါးအားကိုးရာမရှိ၊မိမိတရားကိုသာ

စေ့စေ့စပ်စပ် စူးစူးစိုက်စိုက်အားထုပ်ကြပါ

မိမိတရားကိုသာစေ့စေ့စပ်စပ်

စူးစူးစိုက်စိုက်အားထုတ်ကြပါ” 

သာမာဝတီမိဖုရားခေါင်ကြီးသည်မိမိ၏ရံရွှေတော်များကို“ဓမ္မလမ်းညွှန်”

ပေးပြီးပြီးမို့ မီးအရှိန်ကြောင့် ခံစားနေရသည့်ဝေဒနာကိုပင်အရှုခံအဖြစ် 

(ဝေဒနာနုပဿနာသတိပဋ္ဌာန်ကို)စူးစူးစိုက်စိုက်သတိချပ် အသိကပ်

ရှုမှတ်နေလေတော့၏။ ကျန်ရံရွှေတော်များသည်လည်းဝေဒနာကိုပင်

အသေအချာရှုမှတ်နေကြ၏ပကတိမီးတောက်မီးလျှံတို့သည်သူတို့၏

ကိုယ်ခန္ဓာကိုလောင်မြိုက်နေ၏၊သူတို့သည်လောဘ ဒေါသ

မောဟ မာနစသည့် ကိလေသာမီးတောက်မီးလျှံတို့ကို

ဝေဒနာနုပဿနာသတိပဋ္ဌာန်ရေစင်ဖြင့် ညှိမ်းသတ်နေကြ၏၊ အချို့ သကဒါဂါမ်တည်သွားကြ၏ တစ်ချို့တော့ အနာဂါမ်အဆင့်ထိ

ရောက်သွားကြ၏ပေါက်ရောက်သွားကြ၏။ပကတိမီးတောက်မီးလျှံ
ကြားမှကိလေသာမီးတောက်မီးလျှံ့တို့ကို ငြိမ်းအောင် ညှိမ်းသတ်သည့် အတုယူဖွယ်စံထားဖွယ်အမျိုးသမီးများပေတကား။

ဥတေနဘုရင်ကြီးသည်အရိပ်ကောင်းသောညောင်ပင်ရိပ်၌ခဏ

နားနေချိန်ဖြစ်၏၊ထိုအချိန်နန်းတွင်းမှထူးခြားသတင်းပို့ခန့်အပ်ထားသော

အထောက်တော်သည် မြင်းကို ဒုန်းစိုင်းလျှက်ဘုရင်မင်းကြီးရှိရာသို့

အပြေး လာနေ၏၊ ဘုရင်မင်းကြီး မြင်နေရ၏နန်းတော်၌တစ်ခုခုတော့

ဖြစ်နေပြီးဟု ဘုရင်မင်းကြီးတွက်လိုက်၏အထောက်တော်သည်

ဘုရင်မင်းကြီးကို ဒူးထောက် ခစားလျှက်“သတ်လျှင် လည်းသေ

ထားလျှင်လည်းနေရပါမည်”အရှင်မင်းကြီး၊ ကျွန်တော်မျိုးတို့၏

ပေါ့ဆမှုကြောင့် ဘုရင်မင်းကြီးမြတ်နိုးတော်မူသော မိဖုရားခေါင်ကြီး သာမာဝတီရဲ့ နန်းမဆောင်တစ်ခုလုံး မီးဟုန်းဟုန်း တောက်နေပါတယ် အရှင်မင်းကြီး”ဘာ?..ဥတေနဘုရင်မင်းကြီး၏ နှုတ်မှထွက်လာသော ကျယ်လောင်သောအသံကြီးဖြစ်၏၊အမတ်ကြီးများဝန်ကြီးများ

စစ်သည်တော်များ အားလုံးကြားလိုက်၏။သူတို့ ကြားသည် မှာ“ဘာ”တစ်ခွန်းတည်းသာဖြစ်၏သို့သော် ဘုရင်ကြီး၏ နှလုံးသားထဲမှာ ပဲ့တင့်သံကဲ့သို့“ဘာ”ဟူသောစကားသည် ဆင့်ကဲ ဆင့်ကဲ ကြားနေရတော့၏ဘုရင်မင်းကြီးသည် နန်းတော်သို့အမြန်ပြန်လာခဲ့၏၊ 

အမြန်ဆုံးကိုအမြင့်ဆုံးထိတင်ကာ ပြန်လာခဲ့ခြင်းဖြစ်၏သို့သော်မမှီတော့၊

သာမာဝတီကို ကယ်တယ်ဖို့မမီတော့၊နန်းမဆောင်တစ်ခုလုံး ပြာပုံဘ၀ ရောက်သွားပေပြီ၊ သို့သော် မီးခိုများတော့တလူလူ ထွက်နေသေး၏၊

နန်းမဆောင် ပြာပုံထဲမှ သူ၏ချစ်လှစွာ မြတ်နိုးလှစွာသော သစ္စာရှင်

မေတ္တာရှင် အကြင်နာရှင် ဓမ္မမိခင်(သာမာဝတီ၏ကျေးဇူးကြောင့် ဗုဒ္ဓ ဘုရားရှင်ကို ကိုးကွယ်ဆည်းကပ်လာသည့်ဘုရင်ဖြစ်၏)သာမာဝတီ မိဖုရားခေါင်ကြီး၏ပုံရိပ်လွှာ ထို့နောက် သူတို့သခင်မအပေါ် အမြဲ

သစ္စာရှိကြသောကောင်းတူဆိုးဖက်ရံရွှေတော်ငါးရာတို့၏ပုံရိပ်လွှာများ

သည် တရိပ်ရိပ်ပေါ်လာတော့၏၊“သူတို့ ဘယ်လောက်တောင် ခံစားလိုက်ရမလဲ”တွေးရင်းပင် ကြက်သီးထစရာတုန်လှုပ်စရာဖြစ်လာ၏

တွေးလေ ဆွေးလေ ဆွေးလေ သောကမီးလျှံတွေ တောက်လေ သောကမီးတောက်လေ နှလုံးသွေးဆူလေ. နှလုံးသွေးဆူလာလေ.....။

“သံယောဇဉ်. သောက. ထိုမှတဆင့်ဒေါသ ဒေါမနဿ ပရိဒေ၀. ဥပါယာသစသည့်မီးတောက်မီးလျှံတို့သည်ဘုရင်ဥတေန၏နလုံးသားကို

စတင်လောင်မြိုက်နေပေပြီ။သာမာဝတီကိုရှို့သောမီးသည်ဘုရင်ဥတေန

ကိုပါကူးစက်လောင်မြိုက်နေချေပြီးတကား..။သို့သော်ဘုရင်ဥတေနသည်

ဖြစ်ပေါ်လာသည့် သောက ဒေါသကို သူတပါးမသိအောင် မြိုသိပ်ထား၏၊ ဖုံးဖိထား၏၊ အပူရုပ်ကို ဟန်လုပ်နေရ၏၊ဘေးမှသာမန် ကြည့်လျှင်

ဘုရင်ဥတေနသည်တည်ငြိမ်နေသူဟုထင်ရ၏သို့သော်အတွင်း

နှလုံးသားမှာကားယောက်ယက်ခပ်နေ၏ဤသို့နှင့်အနောက်တောင်စွယ်

နေမင်းကြီး ကွယ်သွားလေပြီ၊သို့သော်ဘုရင် ဥတေန၏နှလုံးသားမှာ လောင်မြိုက်နေသော သောကမီးကား ပျယ်၍မသွားသေးပေ၊ တမြေ့မြေ့ လောင်မြိုက်နေဆဲပင် ဖြစ်နေ၏    .....ဤသို့ဖြင့်ပင် …(ဆက်ရန်)

                                                            ကောင်းသစ်