ကြမ်းတမ်းခြင်းမှကြင်နာခြင်း..အပိုင်း(၁၃)

ဒီနေ့ငါ့ဘ၀အတွက်လွတ်မြောက်သောနေ့ဖြစ်ရမယ်၊
အကျဉ်းထောင်မဟုတ်သော်လည်း“တောထောင်”မှာငါကျခံနေရတယ်၊
လောကနှင့်င့ါအကြား“ဥပစာရ”ကစည်းခြားထားတဲ့အတွက်
မကြမ်းချင်ပဲကြမ်းနေရတယ်၊မရမ်းချင်ပဲ ရမ်းနေရတယ်၊
င့ါစိတ်တွေဟာ လန်းချင်လျှက်နွမ်းနေရတယ်၊
ဒီနေ့“ဥပစာရကိစ္စ”ပြီးမြောက်မည့်နေ့ နောက်ဆုံးနေ့ပဲ၊
ဒီနေ့ဘယ်သူတွေ့တွေ့ ပထမဆုံးတွေ့သူကတော့“ကံဆိုးသူမောင်ရှင်”
ဖြစ်ရတော့မယ်၊ဤသို့အတွေးပေါင်းစုံတွေးလျှက်လူလာမည့်လမ်းငေးရင်း

“ဇာလိယ”တောတန်းမှ စောင့်မျှော်နေလေတော့၏။
(လမ်းဟုဆိုသော်လည်းလမ်းကောင်းတော့မဟုတ်၊သူ့ကို ကြောက်လန့်ကြ၍ 

လူသူ မသုံးတော့သောကျိုးပျက် ပေါက်ကွဲ ဟောင်းနွမ်းနေသောလမ်းဟောင်းတစ်ခုသာဖြစ်၏်)
 

တစ်ရက်ကိုနှစ်ပိုင်းပိုင်းလျှင်“နေ့နှင့်ည”ကဏ္ဍနှစ်ခုကွဲပြားသွားမည်ဖြစ်၏၊
သဘာဝအားဖြင့် နေ့သည် စားဝတ်နေရေးအတွက်အလုပ်ချိန်ဖြစ်၍
ညသည်မိသားစုအပမ်းဖြေချိန်(သို့မဟုတ်)အပျော်ချိန်ဖြစ်၏၊
လူသားများသည်“လောကပျော်”ပျော်ကြ၏၊
လူ့ဘ၀ကိုကျောခိုင်း၍ဖန်ရည်စွမ်းဝတ်ရုံကိုဆင်မြန်းကာ
ဘ၀လွတ်မြောက်ရေးလမ်းမပေါ်လျှောက်လှမ်းနေကြသော
“သမဏ”များသည်ကား“ဓမ္မ”ဖြင့်ပျော်ကြ၏၊ထို့ကြောင့်
ပြာလဲ့ကောင်းကင်အောင်ဝယ်လင်းလက်တောက်ပနေသော
ကြယ်တာရာမျိုးစုံနှင့်ရွှေလစန္ဒာတို့ဖြင့်လှချင်တိုင်းလှနေသော

“ရတ္တိ”ညဥ့်(သို့မဟုတ်)(ညသည် ပျော်ရွှင်ချိန်ဖြစ်၏၊ 

ယင်းညကိုထပ်၍ကဏ္ဍခွဲခြားလိုက်လျှင်

ပုရိမယာမ်မဇ္ဈိမယာမ်ပစ္ဆိမယာမ်“ဟု သုံးယာမ်ထွက်လာပြန်၏၊ပုရိမယာမ်၌“သဗ္ဗညူ”ဖြစ်တော်မူသော
ရှင်တော်မြတ်ဘုရားသည်မိမိအတွက်သီးသန့်စံကျောင်းဖြစ်သော
“ဂန္ဓကုဋီ”ကျောင်းဆောင်၌တစ်ပါးတည်းသီတင်းသုံးနေတော်မူ၏၊
 

ထိုအချိန်ဒေသအသီးသီးမှကြွလာကြသော
ရဟန်းတော်အရှင်မြတ်များဘုရားရှင်ထံချဉ်းကပ်ကြ၏၊
မရှင်းလင်းသည့် ပြဿနာများ-သံသယဖြစ်သည့်
အကြောင်းအရာများကိုမေးလျှောက်ကြ၏၊ မိမိနှင့်သင့်တော်မည့်ကမ္မဋ္ဌာန်းနည်းလမ်းများကိုတောင်းကြ၏၊
မနားဘူးသေးသောတရားအသစ်များ
ဟောကြားပေးတော်မူပါရန်လည်း လျှောက်တောင်းကြ၏၊
ထိုရဟန်းတို့၏လိုအပ်ချက်ကို စိတ်ကျေနပ်မှုရှိသည်အထိ
ဖြည့်ဆည်းပေးတော်မူ၏၊ဤသို့ဖြင့်ပုရိမယာမ်ကုန်လွန်သွားရ၏၊
မဇ္ဈိမယာမ်၌“သမန္တစက္ခု”ဖြစ်တော်မူသော
ရှင်တော်မြတ်ဘုရားထံစကြာဝဠာတိုက်တစ်သောင်းက
နတ်ဗြဟ္မာများလာရောက်ကြ၏၊မိမိတို့ကြိုတင်စဉ်းစားထားသော

အမေးပုစ္ဆာပြဿနာများကိုမေးလျှောက်ကြ၏၊
တစ်ဂါထာမေးသည်လည်းရှိ၏၊နှစ်ဂါထာ မေးလျှောက်သည်လည်းရှိ၏
ထို့ထက်အလွန် မေးလျှောက်ကြသည်လည်းရှိ၏၊ ဤသို့မေးရင်းဖြေရင်းပင် မဇ္ဈိမယာမ်ကုန်လွန်သွားရပြန်၏၊

မေးသမျှသောအမေးပုစ္ဆာပြဿနာမှန်သမျှကို
“လက်ပေါ်တင်ထားပတ္တမြား”သို့ထင်ရှားအောင်ဖြေဆုိတော်မူ၏၊

ဗုဒ္ဓဘာသာ၏ယဉ်ကျေးမှု အခြေခံအုတ်မြစ်ဖြစ်သော“မင်္ဂလသုတ္တန်”ကို
ဤအချိန်၌ ဟောကြားတော်မူခဲ့ခြင်းဖြစ်၏၊
 

နတ်သိကြားဗြဟ္မာများမေးလျှောက်သောသက္ကသံယုတ်

ဒေ၀တာသံယုတ်စသည်များကိုလည်းဤအချိန်၌ပင်

ဟောတော်မူခဲ့ခြင်းဖြစ်ပေ၏၊ဤယာမ်သည်

နတ်ဗြဟ္မာများ အတွက်သီးသန့်အချိန်ဖြစ်၏၊
နောက်ဆုံးဖြစ်သောပစ္ဆိမယာမ်ကိုအချိန်သုံးချိန်ထပ်၍ခွဲထားပြန်၏၊
ပထမအချိန်ကိုအထိုင်များခြင်းကြောင့်ဖြစ်သောခန္ဓာကိုယ်ညောင်းညာ
ပင်ပမ်းမှုကို ချေဖျက်ရန်စင်္ကြံကြွတော်မူခြင်းဖြင့်

ကုန်လွန်စေတော်မူ၏၊ဒုတိယအချိန်၌ သီးသန့်စံကျောင်းတော်ဖြစ်သော ဂန္ဓကုဋီကျောင်းတော်၌“သတိသမ္ပဇာဉ်''ယှဉ်တော်မူလျှက် လက်ျာဘက်စောင်းနံတောင်းစောင်းကာ

မြတ်သောကျိန်းစက်ခြင်းဖြင့် ကျိန်းစက်တော်မူ၏
တတိယမြောက်ဖြစ်သော နောက်ဆုံးတစ်ပုံသည် မိုးသောက်ချိန် 

(သို့မဟုတ်)မလင်းမှီ အရုဏ်ရောင်သမ်းချိန်ဖြစ်၏၊
ထိုအချိန်သည်“မဟာကရုဏာရှင်”မြတ်ဗုဒ္ဓတို့၏လောကကို
သီးသန့်ကြည့်ရှုချိန်ဖြစ်၏၊(ညပိုင်း“ယာမ်သုံးယာမ်”၌ပင် မဟာကရုဏာရှင်ရှင်တော်မြတ်ဘုရား၏လောကအတွက်မနေမနား

ဆောင်ရွက်သွားသောလုပ်ငန်းစဉ်တို့ကိုသိရှိကြသောအားဖြင့်

ရှင်တော်မြတ်ဘုရား၏လောကအပေါ်ထားရှိသောကြီးမားသော

“၀ီရိယ”နှင့်အတုမဲ့“မဟာကရုဏာတော်”ကိုကြည်ညိုနိုင်ကြပါစေ) 

ရှေးရှေးသော ဘုရားရှင်တို့လက်ထက်ကကောင်းမှုကုသိုလ်ပြုဘူးသော

“ကတာဘိကာရ''ကျွတ်ထိုက်သည့်ချွတ်ထိုက်သည့်ပါရမီရှင်တို့ကို

ဗုဒ္ဓစက္ခုဖြင့် ကြည့်တော်မူချိန်ဖြစ်၏၊
 

ယနေ့ အတုမဲ့“မဟာကရုဏာရှင်” ဖြစ်တော်မူသော ရှင်တော်မြတ်ဘုရားသည် မဟာကရုဏာသမာပါတ်မှ ထတော်မူ၍စကြာဝဠာတိုက်တစ်သောင်းကိုဗုဒ္ဓစက္ခုဖြင့်

ကြည့်ရှုတော်မူသောအခါ ကျွတ်ထိုက်သည့် ချွတ်ထိုက်သည့် အင်္ဂုလိမာလကို ဥာဏ်၌ထင်ထင်မြင်တော်မူရ၏၊ ငါဘုရားကြွသွားခဲ့လျှင်လူသူတိတ်ဆိတ် တောမြိုင်ရိပ်မှာ လေးပါဒရှိသော တစ်ဂါထာကိုကြားနာရ၍ ငါ့ဘုရားသာသနာမှာ ရဟန်းဘ၀ရယူလျှက် အဘိညာဉ်ခြောက်ပါး အသိဥာဏ်ထူးခြောက်မျိုးကို ရရှိပိုင်ဆိုင်သူ ဖြစ်ပေလိမ့်မည်၊
(အဘိညာဉ် ခြောက်ပါး=ဒိဗ္ဗစက္ခုအဘိညာဉ်-နတ်မျက်စိကဲ့သို့ သိလိုရာအထူးကို မြင်တတ်သောဥာဏ်၊ ဒိဗ္ဗသောတအဘိညာဉ်-နတ်နားကဲ့သို့ အထူးကြားတတ်သောဥာဏ်၊ပရစိတ္တ၀ိဇာနနအဘိညာဉ်-သူတစ်ပါး၏စိတ်ကို သိသောဥာဏ်၊ဣဒ္ဓိဝိဒအဘိညာဉ်-အထူးထူးသော တန်ခိုးကို ပြစွမ်းနိုင်သောဥာဏ်၊ပုဗ္ဗေနိဝါသာနုဿတိအဘိညာဉ်ရှေးဘ၀၌ဖြစ်ပျက်ခဲ့သည်တို့ကို
အစဉ်အောက်မေ့နိုင်သောဥာဏ်၊အာသ၀က္ခယအဘိညာဉ်-
ကိလေသာ အာသဝေါ ကုန်ခမ်းစေတတ်သော အရဟတ္တမဂ်ဥာဏ်)
 

အကယ်၍ငါဘုရားမကြွဖြစ်ခဲ့လျှင်

(ပညာလောဘကြောင့်အသိဥာဏ်ထုံထိုင်းသလိုဖြစ်နေသော) 

အင်္ဂုလိမာလသည် အမိကိုယ်သော်မှ ချမ်းသာမပေးပဲ 

မာတုဃာတက(အမိသတ်)ကံကို ကျူးလွန်မိရှာပေလိမ့်မည်၊ 

ထိုအခါ ဒီဘ၀ မဂ်ဖိုလ်လုံးဝရရှိနိုင်တော့မည်မဟုတ်သည့်အပြင်
ဘ၀ပြောင်းကငရဲဒုက္ခမုချခံစားရပေတော့မည်၊
မိခင်လည်းအသက်ချမ်းသာရာရစေ၊အင်္ဂုလိမာလလည်း
ဘ၀လွတ်မြောက်မှုရစေရန်ငါဘုရားကြွသင့်သည်ဟု
ဥာဏ်တော်ကိုအမှီပြုသော အကြံတော်ဖြစ်တော်မူ၏၊
ထို့ကြောင့် သင်းပိုင်ဧကသီတို့ကို ကောင်းစွာဝတ်ရုံလျှက် သပိတ်ပိုက်ကာဆွမ်းခံကြွတော်မူ၏၊နေ့ဆွမ်းကိစ္စပြီးလျှင်ပင် အင်္ဂုလိမာလရှိရာဇာလိယတောအုပ်သို့အခြံအရံမပါ
ခြေလျင်ခရီးဖြင့်တစ်ပါးတည်းကြွတော်မူ၏
တောလမ်းခရီးတစ်လျှောက်၌
နွားကျောင်းသားဆိတ်သိုးကျောင်းသား
တောင်သူလယ်သမားတို့ကလည်း ဤလမ်းဤခရီးသည် တကိုယ်တော်လူဆိုးကျက်စားနေထိုင်ရာဖြစ်၍
မကြွရန်အတန်တန်တားတော်မူကြ၏ဘယ်သူတွေဘယ်သို့ပင်တားတား
“မဟာကရုဏာရှင်”ရှင်တော်မြတ်ဘုရားကတော့အင်္ဂုလိမာလရှိရာ
“ဇာလိယ”တောတန်းသို့ကြွမြဲတိုင်းကြွတော်မူလေပြီ။
အင်္ဂုလိမာလသည်သူရှိရာ“ဇာလိယ”တောတန်းသို့
တန်းတန်းးမတ်မတ်လာနေသောမိခင်ကို
ခပ်လှမ်းလှမ်းမှပင်မြင်နေရပေပြီ၊ (ဆက်ရန်) 

ကောင်းသစ်